Eistar fjarlægja alla sovéska minnisvarða

Atli Ísleifsson skrifar 16. ágúst 2022 12:56

Kaja Kallas tók við embætti forsætisráðherra Eistlands á síðasta ári. Getty

Stjórnvöld í Eistlandi hafa ákveðið að fjarlægja alla sovéska minnisvarða úr almannarými í landinu.

Kaja Kallas, forsætisráðherra Eistlands, greinir frá því á Twitter að ríkisstjórn landsins hafi tekið ákvörðun þessa efnis.

„Sem tákn um kúgun og sovéskt hernám hafa þeir orðið uppspretta aukinnar félagslegrar spennu – og á þessum tíma verðum við að halda ógnum við allsherjarreglu í lágmarki,“ segir Kallas á Twitter, en eistnesk stjórnvöld hafa gagnrýnt Rússa harðlega fyrir innrás þeirra inn í Úkraínu.

Forsætisráðherrann segir að til standi að flytja alla minnisvarða, sem hafi sögulegt gildi, á söfn til að komandi kynslóðir geti fræðst um þetta tímabil í sögu landsins.

#Soviet monuments with historic value will be removed to the museum, not demolished. We try to preserve as much as possible, so that future generations can learn from those painful lessons.
— Kaja Kallas (@kajakallas) August 16, 2022

Eistland Rússland Sovétríkin Innrás Rússa í Úkraínu Styttur og útilistaverk

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.