Lífið

„Það er enginn að fara að lifa þessu lífi fyrir þig“

Dóra Júlía Agnarsdóttir skrifar
Landvörðurinn Helga Hvanndal er viðmælandi vikunnar í Innblæstrinum.
Landvörðurinn Helga Hvanndal er viðmælandi vikunnar í Innblæstrinum. Aðsend

Helga Hvanndal Björnsdóttir er heimspekimenntaður landvörður sem býr yfir ólæknandi ferðaþrá og hefur ferðast víðs vegar um heiminn. Á undanförnum árum hefur Helga Hvanndal verið búsett á ýmsum stöðum, erlendis og í afskekktri íslenskri náttúru, og segir morgunkaffið eina örugga fasta liðinn í hennar lífi. Hún starfaði sem sushi kokkur í dágóðan tíma áður en ævintýraþráin heltist yfir hana og segir bæði sushi og pizzu vera hennar uppáhalds mat. Helga Hvanndal er viðmælandi vikunnar í Innblæstrinum.

Innblásturinn er fastur liður hjá Lífinu á Vísi þar sem rætt er við ólíkt fólk um hvað veitir því innblástur í tilverunni og hvaða ráðum þau luma á varðandi andlega heilsu.

Hver ert þú í þínum eigin orðum?

Heimspekimenntaður pælari, stemningskona og göngugarpur úr Vesturbænum sem hefur brennandi áhuga á umhverfinu, bæði því náttúrulega sem og því skapaða. Haldin ólæknandi ferðaþrá og forvitin um fólk og staði, heim og geim.

Hvað veitir þér innblástur?

Náttúran veitir mér ótæmandi innblástur og ég hef undanfarin ár eytt mestum tíma mínum úti í villtri náttúru. 

Öll fegurðin og hömluleysið og skipulagið og kaosinn - ég fæ ekki nóg! En svo er allt dásamlega fólkið í kringum mig líka mikill innblástur.

Hvað er þitt besta ráð til að næra andlega heilsu?

Að fara út. Horfa í kringum sig og vera úti og hreyfa sig ef mögulegt er. 

Gleyma daglegu amstri og aftengjast símanum og öðru áreiti þó það sé bara í dálitla stund!

Hvernig er hefðbundinn dagur í þínu lífi?

Veit ekki alveg hvernig ég á að svara þessu. Síðustu sex til sjö ár hef ég verið á miklu flakki út af vinnu, skóla og ferðalögum og hef ekki verið nógu lengi á neinum stað til að koma mér upp hefðum og rútínu!

Eini öruggi fasti liður dagsins er morgunkaffið en svo er ég oftast á ferð og flugi yfir daginn hvort sem það er uppi á hálendi, í Reykjavík eða hvar sem er. 

Ég hreyfi mig frekar mikið, bæði í gegnum vinnuna en líka bara almennt. Svo er ég alsæl með daginn ef ég næ að hitta á vini eða kunningja og detta í gott spjall.

Uppáhalds lag og af hverju?

Ready or not með The Fugees. Held það sé næstum á öllum playlistunum mínum. Veit ekki nákvæmlega af hverju en það er einhver tregi í því sem nær algjörlega til mín. Líka bara geggjað lag og hljómsveit.

Uppáhalds matur og af hverju?

Pizza. Ekki spurning. Þarf að útskýra það? Annars sushi! 

Ég vann sem sushi kokkur í nokkur ár, kynntist þeirri matargerð þokkalega og er mjög hrifin af japanskri matarmenningu.

Besta ráð sem þú hefur fengið?

Það er enginn að fara að lifa þessu lífi fyrir þig.

Hvað er það skemmtilegasta við lífið?

Í fúlustu alvöru þá held ég að hlátur sé það skemmtilegasta sem ég get ímyndað mér!

Tengdar fréttir

„Mikilvægara að sleppa tökunum á hlutum heldur en að fá eitthvað nýtt“

Bergþór Másson er lífskúnstner mikill sem starfar sem umboðsmaður fyrir vinsæla rappara og tónlistarmenn hérlendis. Einnig stýrir hann hlaðvarpinu Skoðanabræður, stundar meistaranám við ritlist og hugar vel að líkama og sál. Bergþór Másson er viðmælandi vikunnar í Innblæstrinum.

Finnst ekkert skemmtilegra en fáránlegar keppnir og áskoranir

Glódís Guðgeirsdóttir er 28 ára gamall lífskúnstner, jarðfræðingur, fimleikastelpa, móðir, vinkona og ýmislegt annað og lýsir sjálfri sér sem ofsalegri stemningskonu. Hún elskar góðan kaffibolla og kvöldsund og passar sig að fara reglulega út fyrir þægindarammann. Glódís er viðmælandi vikunnar í Innblæstrinum.

„Ég leyfi mér að dreyma“

Leikkonan og lífskúnstnerinn Katla Þórudóttir Njálsdóttir hefur vakið athygli fyrir sköpunargleði sína í íslensku samfélagi, meðal annars með þátttöku sinni í Söngvakeppni Sjónvarpsins og í hlutverki sínu í sjónvarpsseríunni Vitjanir. Katla leyfir sér að dreyma, reynir alltaf að hafa eitthvað að gera og reynir að hafa húmorinn í fyrirrúmi. Katla er viðmælandi vikunnar í Innblæstrinum.

„Margt verra en smá brussugangur“

Eva Ruza er lífskúnstner með meiru en hún hefur haslað sér völl í skemmtanabransanum á Íslandi á undanförnum árum. Pizza er umhugsunarlaust uppáhalds maturinn hennar og hún segist geta fundið innblástur í hvaða verkefni sem er. Eva Ruza er viðmælandi vikunnar í Innblæstrinum.

„Reyni að þakka fyrir allt það sem ég fæ á hverjum degi“

Jón Jósep Snæbjörnsson, Jónsi, er landsþekktur tónlistarmaður og lífskúnstner með meiru. Hann er þekktur fyrir jákvæðni og lífsgleði og segir lífið sjálft vera það allra skemmtilegasta. Jónsi er viðmælandi vikunnar í Innblæstrinum.

„Finn alltaf mikinn mun á mér eftir gott deit kvöld með kærastanum“

Anna Fríða Gísladóttir er lífskúnstner sem hefur látið til sín taka í atvinnulífinu á undanförnum árum. Hún starfar forstöðumaður markaðsmála hjá flugfélaginu PLAY, elskar kaffi og segir sjaldan nei við góðri steik. Anna Fríða er viðmælandi vikunnar í Innblæstrinum.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.