Fótbolti

Ari lék 90 mínútur í grát­legu jafn­tefli

Atli Arason skrifar
Æfing íslenska landsliðsins í knattspyrnu. Laugardalsvöllur. Knattspyrna, fótbolti, sumarið 2018.
Æfing íslenska landsliðsins í knattspyrnu. Laugardalsvöllur. Knattspyrna, fótbolti, sumarið 2018. Foto: Vilhelm Gunnarsson

Ari Freyr Skúlason og Alfons Sampsted spiluðu báðir allar 90 mínúturnar með sínum liðum í sænsku og norsku úrvalsdeildunum í dag.

Ari Freyr var í byrjunarliði Norrköping sem gerði svekkjandi 1-1 jafntefli gegn Degerfors á útivelli í 13. umferð sænsku úrvalsdeildarinnar.

Viktor Agardius skoraði mark Norrköping á 6. mínútu áður en Justin Salmon jafnaði leikinn á 94. mínútu og þar við sat.

Norrköping er með 15 stig í 11. sæti deildarinnar á meðan Degerfors er í næst neðsta sætinu með sjö stig.

Fyrr í dag vann Bodø/Glimt sannfærandi 4-1 sigur á Sarpsborg í norsku úrvalsdeildinni. Alfons spilaði allan leikinn í hægri bakverði hjá Bodø/Glimt.

Með sigrinum fer Bodø/Glimt upp í þriðja sæti deildarinnar með 22 stig eftir 13 umferðir.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.