Fótbolti

Enn eitt aðsóknarmetið á kvennaleik er Svíþjóð hafði betur gegn Brasilíu

Hjörtur Leó Guðjónsson skrifar
Friends Arena getur mest tekið við um 50 þúsund áhorfendum á knattspyrnuleikjum.
Friends Arena getur mest tekið við um 50 þúsund áhorfendum á knattspyrnuleikjum. David Lidstrom/Getty Images

Aldrei hafa fleiri áhorfendur fylgst með kvennaleik í Svíþjóð en þegar heimakonur unnu 3-1 sigur gegn Brasilíu í vináttulandsleik á Friends Arena í Solna í kvöld.

Alls seldust yfir 34 þúsund miðar á leikinn, en það er nýtt aðsóknaramet á knattspyrnuleik kvenna í Svíþjóð. Aðsóknarmet á kvennaleiki hafa fallið vítt og breytt um Evrópu undanfarið, til að mynda þegar yfir 90 þúsund manns fylgdust með Sveindísi Jane Jónsdóttur og stöllum hennar í Wolfsburg spila gegn Barcelona í Meistaradeild Evrópu.

Það var Debinha sem kom brasilíska liðinu í forystu með marki á 51. mínútu eftir stoðsendingu frá Fernanda Palermo.

Johanna Rytting Kaneryd jafnaði hins vegar metin fyrir heimakonur á 65. mínútu áður en Lina Hurtig breytti stöðunni í 2-1 aðeins tveimur mínútum síðar eftir undirbúning Jonna Andersson. Stina Blackstenius skoraði svo þriðja mark Svía á lokamínútum leiksins og þar við sat.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.