Fótbolti

Guð­rún og stöllur styrkja stöðu sína á toppnum | Kristian­stad vann Ís­lendinga­slaginn

Atli Arason skrifar
Elísabet Gunnarsdóttir stýrir Kristianstad. 
Elísabet Gunnarsdóttir stýrir Kristianstad.  Twitter@@_OBOSDamallsv

Guðrún Arnarsdóttir og liðsfélgar hennar í Rosengård tóku botnlið AIK í kennslustund með 0-6 stórsigri í sænsku úrvalsdeildinni í dag. Á sama tíma vann Kristianstad Íslendingaslagin gegn Piteå með einu marki gegn engu.

Amanda Andradóttir og Emelía Óskarsdóttir leika með Kristianstad en þær hófu báðar leik á bekknum í dag. Elísabet Gunnarsdóttir er þjálfari Kristianstad. Hlín Eiríksdóttir var hins vegar í byrjunarliði Piteå en fór af leikvelli á 75. mínútu. Amanda kom inn af bekknum á 78. mínútu en Emilíu var skipt inn á leikvöllinn á 92. mínútu. Eina mark leiksins skoraði Evelyne Viens fyrir Kristianstad á 10. mínútu leiksins og þar við sat.

Á Skytteholms vellinum í Solna var Rosengård í heimsókn hjá AIK. Rosengård var fyrir umferðina í efsta sæti deildarinnar á meðan AIK var fast við botninn. Það varð enginn breyting á því í dag. Sofie Bredgaard og Emme Berglund skoruðu fyrsta og síðasta mark leiksins en þess á milli gerðu Jelena Cankovic og Olivia Schough tvö mörk hvor í 0-6 útisigri.

Rosengård er því komið í 39 stig, með fimm stiga forskot á toppi deildarinnar eftir 15 umferðir. Kristianstad er í 3, sæti með 33 stig á meðan Piteå er í 8. sæti með 20 stig.

15. umferðin klárast seinna í dag með tveimur leikjum.

Upplýsingar um markaskorara fengust á heimasíðu Flashscore.com.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.