Fótbolti

FIFA tilkynnir hvaða borgir fá HM-leiki árið 2026

Hjörtur Leó Guðjónsson skrifar
Arrowhead Stadium í Kansas er einn af þeim völlum sem mun halda leiki á HM 2026.
Arrowhead Stadium í Kansas er einn af þeim völlum sem mun halda leiki á HM 2026. Nick Tre. Smith/Icon Sportswire via Getty Images

Þrátt fyrir að heimsmeistaramótið í Katar sé ekki byrjað hefur Alþjóðaknattspyrnusambandið FIFA tilkynnt í hvaða borgum verður leikið á HM í Bandaríkjunum, Mexíkó og Kanada árið 2026.

Alls sóttu 22 borgir um að fá að halda leiki, en að lokum urðu 16 þeirra fyrir valinu. Ellefu borgir í Bandaríkjunum fá leiki og þá verður leikið í þremur borgum í Mexíkó og tveimur í Kanada.

Hins vegar á enn eftir að ákveða hvar úrslitaleikurinn sjálfur mun fara fram, en Gianni Infantino, forseti FIFA, vildi ekki gefa neitt upp um þá ákvörðun.

„Við munum taka okku góðan tíma í að ákveða hvar úrslitin munu fara fram,“ sagði Infantino þegar hann var spurður út í úrslitaleikinn.

HM 2026 verður fyrsta heimsmeistaramótið þar sem 48 þjóðir munu taka þátt. Það er umtalsverð fjölgun, en undanfarið hafa 32 þjóðir unnið sér inn þátttökurétt á þessu stærsta íþróttamóti heims. 

Borgirnar sem munu halda HM-leiki:

Bandaríkin:

Boston

Philadelphia

Miami

New York/New Jersey

Kansas City

Dallas

Atlanta

Houston

Seattle

San Francisco

Los Angeles

Mexíkó:

Monterrey

Mexico City

Guadalajara

Kanada:

Toronto

Vancouver




Fleiri fréttir

Sjá meira


×