Menning

Lofsyngur Britney þrátt fyrir að hafa ekki fengið boð í brúðkaupið

Magnús Jochum Pálsson skrifar
Hvorki föður né móður Britney var boðið í brúðkaup hennar og Sam Asghari.
Hvorki föður né móður Britney var boðið í brúðkaup hennar og Sam Asghari. Axelle/Bauer-Griffin/Getty

Lynne Spears, móður Britney Spears, var ekki boðið í brúðkaup dóttur sinnar sem fram fór um helgina. Þrátt fyrir það fann hún sig knúna til að lofsyngja dóttur sína í ummælum undir Instagram-færslu Britney úr brúðkaupinu. Hvorki Jamie Spears, föður Britney, né Jamie Lynn Spears, systur hennar, var heldur boðið.

Í ummælunum undir færslu Britney fer Lynne Spears fögrum orðum um dóttur sína, segir hana geislandi og virðast hamingjusama. Þá lýsir hún brúðkaupi Britney og Sam Asghari sem draumabrúðkaupi og að halda það í heimahúsi geri það svo tilfinningasamt og sérstakt. Undir lok færslunnar segist hún elska Britney.

Móðir Britney var ekki eini fjölskyldumeðlimur Britney sem var ekki boðið í brúðkaupið en hvorki Jamie Spears, föður hennar, né Jamie Lynn Spears, systur hennar, var boðið.

Gagnrýnd fyrir holan hljóm og skort á stuðningi

Margir aðdáenda Britney hafa gagnrýnt móður Britney og segja holan hljóm í ummælum hennar. Þá var hún harðlega gagnrýnd á sínum tímum fyrir að hafa ekki stutt við Britney í baráttu hennar fyrir því að endurheimta forræði yfir sjálfri sér frá föður sínum, Jamie Spears. 

Faðir hennar hafði haft forræði yfir Britney og fjármálum hennar frá 2008 fram til september á síðasta ári þegar hann missti það. Dómari skipaði í kjölfarið sérfræðing yfir fjármálum Britney og tveimur mánuðum síðar endurheimti Britney loks forræði yfir sjálfri sér.

Þá ber að geta að áður en Britney endurheimti forræðið lagði móðir hennar fram beiðni þess efnis að Britney borgaði allan hennar kostnað, meira en 600.000 dollara, sem hafði safnast upp í dómsmáli Britney gegn föður sínum. Lynne var ekki beinn hlutaðili að málinu en tók virkan þátt og lýsti yfir áhuga á að fá að deila forræði yfir Britney með Jamie.

Britney brást við beiðni móður sinnar á sínum tíma með því að birta instagram-færslu (sem hún eyddi síðan) þar sem hún sakaði móður sína um að hafa verið hugmyndasmiðinn að baki forræði föðurs Britney yfir henni og sagði hana hafa eyðilagt líf sitt leynilega.


Tengdar fréttir

Britney Spears og Sam áttu drauma brúðkaupsdag þrátt fyrir innbrotið

Poppstjarnan Britney Spears giftist ástinni sinni Sam Asghari í gær við athöfn sem fór fram á heimili hennar en líkt og greint hefur verið frá braust fyrrverandi eiginmaður hennar inn í brúðkaupið. Synir hennar Sean Preston og Jayden James voru ekki viðstaddir en gáfu út yfirlýsingu um að þeir væru ánægður fyrir hennar hönd.

Britney og Sam tilkynna fósturmissi

Poppstjarnan Britney Spears og unnusti hennar Sam Asghari tilkynntu að þau hafi því miður upplifað fósturmissi stuttu eftir að hafa sagt frá því að von væri á barni. „Við munum halda áfram að reyna að stækka fallegu fjölskylduna okkar,“ sagði parið í sameiginlegri yfirlýsingu. 






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.