Manchester United aflýsir lokahófi sínu

Sir Matt Busby verðlaunin, sem besti leikmaður United fær í lok tímabils, verða samt afhent en það verður ekki gert við hátíðlega athöfn eins og vanalega.

Lokahófinu er aflýst að beiðni leikmanna United sem vildu ekki láta sjá sig í einhverskonar fagnaðarlátum í kjölfar versta tímabils Manchester United frá því að enska úrvalsdeildin var stofnuð árið 1992.

Manchester United mætir Crystal Palace á útivelli í lokaumferðinni klukkan 15 í dag og þrátt fyrir að gestirnir myndu sækja stigin þrjú þá verður það samt versta stigasöfnun liðsins í ensku úrvalsdeildinni.

Erik ten Hag, nýr knattspyrnustjóri Manchester United, mun formlega taka við liðinu á morgun og ljóst er að hann hefur verk að vinna.