Manneskjan sem fannst látin í fjörunni norðan Eiðsgranda í Reykjavík eftir hádegi í gær var kona. Ekki er talið að andlát hennar hafi borið að með saknæmum hætti.
Þetta kemur fram í stuttri tilkynningu frá lögreglunni á höfuðborgarsvæðinu sem fréttastofu barst nú rétt í þessu. Þar segir að ekki sé hægt að veita frekari upplýsingar um málið að svo stöddu.
Lögregla hefur varist fregna af málinu þegar fréttastofa hefur leitað upplýsinga í dag.
Lögreglan skimar nú grjótgarðinn við Eiðsgranda eftir líkfund og er málið til rannsóknar hjá miðlægri rannsóknardeild lögreglunnar.
