Íbúar Queensland gætu þurft að flýja heimili sín vegna flóða

Atli Ísleifsson og Gunnar Reynir Valþórsson skrifa 13. maí 2022 08:05

Flóðin eru af völdum mikils óveðurs sem gengið hefur yfir landshlutann en veðrið nálgast nú suðausturströnd Ástralíu. EPA

Fjöldi íbúa í fylkinu Queensland í Ástralíu hefur þurft að flýja heimili sín vegna mikilla flóða á svæðinu.

Tugir flóðaviðvarana eru í gildi víða um Queensland í dag og eru margir til viðbótar tilbúnir til að flýja ef þess gerist þörf. Einn drukknaði í flóði sem skall í norðurhluta fylkisins fyrr í vikunni.

Flóðin eru af völdum mikils óveðurs sem gengið hefur yfir landshlutann en veðrið nálgast nú suðausturströnd Ástralíu þar sem eru fjölmennar borgir á borð við Brisbane. Veðurstofa Ástralíu varar svo við því að enn meira vatnsveður sé í kortunum.

Ástralir ganga til kosninga þann 21. maí næstkomandi og þar eru loftslagsbreytingar á meðal helstu kosningamála.

Ástralía Náttúruhamfarir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.