Tíska og hönnun

„Af hverju á íslenska krónan ekki sitt eigið tákn?“

Elísabet Hanna skrifar
FÍT hélt samkeppni í tengslum við tákn fyrir íslensku krónuna.
FÍT hélt samkeppni í tengslum við tákn fyrir íslensku krónuna. Juliette Rowland

Í gær fór fram formleg opnun sýningarinnar „Tákn fyrir íslensku krónuna“ í Grósku hugmyndahúsi. Hún er afrakstur samkeppni Félags íslenskra teiknara sem haldin var í tilefni HönnunarMars með stuðningi Seðlabanka Íslands.

Hugmyndin á bak við samkeppnina var að ýta við þjóðinni og spyrja spurningarinnar „Af hverju á íslenska krónan ekki sitt eigið tákn?“ Samkeppnin var opin öllum félagsmönnun FÍT. Yfir sjötíu innsendingar bárust í keppnina og eru sextán þeirra sýnd á sýningunni ásamt yfirlits mynd þar sem hægt er að sjá öll innsendu táknin. 

Juliette Rowland

Á opnuninni afhentu Gísli Arnarson, formaður FÍT, og Ásgeir Jónsson, Seðlabankastjóri, þrenn verðlaun fyrir hlutskörpustu tillögurnar. Verðlauna afhending hófst á léttum orðum frá Gísla Arnarsyni formanni FÍT og Ásgeiri Jónssyni Seðlabankastjóra Íslands. 

Dómnefnd var skipuð þeim Gísla B. Björnssyni, Atla Hilmarssyni og Kristínu Evu Ólafsdóttur frá FÍT ásamt Stefáni Rafni Sigurbjörnssyni frá Seðlabanka Íslands.

Juliette Rowland

Í þriðja sæti var Jón Ari Helgason með tillöguna „íslensk kóróna“ og í öðru sæti var Úlfur Kolka með tillöguna „króna“. Í fyrsta sæti voru þau Sigurður Oddson, Elísabet Rún, Sunneva Snorradóttir og Viktor Weisshappel með tillöguna „Króna + Fé“. 

Í lýsingu hönnuða kemur fram að innblástur táknsins er norrænt rúnaletur og í umsögn dómnefndar var einnig rætt um sterka tengingu við söguna í rúnirnar. 

„Innblásturinn er norrænt rúna­letur og er táknið annars vegar myndað úr rúninni ᚠsem merkir fé eða auð. Hins vegar myndar táknið K sem er augljós vísun í krónuna. Þannig tengir nýja táknið fortíð og nútíð, samnorrænan menningararf og íslenskan samtíma,“ segja hönnuðirnir.

Hér að neðan má sjá myndir frá viðburðinum:

Juliette Rowland
Juliette Rowland
Juliette Rowland
Juliette Rowland
Juliette Rowland
Juliette Rowland
Juliette Rowland
Juliette Rowland
Juliette Rowland
Juliette Rowland
Juliette Rowland

Tengdar fréttir

HönnunarMars settur í Hörpu með lúðrablæstri

Hátíðin, sem í ár fer fram í fjórtánda sinn, var sett með pompi og prakt í Hörpu í gær. Hátíðina settu Þórey Einarsdóttir, stjórnanda HönnunarMars, Halla Helgadóttir, framkvæmdastjóra Miðstöðvar hönnunar og arkitektúrs ásamt Degi B. Eggertssyni, borgarstjóra Reykjavíkur.

#íslenskflík: Saga 66°Norður stöðugur innblástur

Rakel Sólrós Jóhannsdóttir er partur af hönnunarteymi 66°Norður og er annar viðmælandinn í #Íslenskflík sem er verkefni Fatahönnunarfélags Íslands sem miðar að því að kynna íslenska fatahönnun og vekja athygli á því framúrskarandi hugviti og þeim fjölbreyttu vörum sem hér er að finna.

„Þar mun ég eiga einhvers konar blint stefnumót“

Magnea Einarsdóttir er útskrifaður fatahönnuður með áherslu á prjón frá Central St Martins í London. Einnig lagði hún stund á nám í fatahönnun í Parsons Paris School of Design. Hún rekur fatamerkið MAGNEA sem er fáanlegt í versluninni Kiosk.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.