Fagna ákvörðun ríkisstjórnarinnar eftir mikið vatnstjón: „Þetta lýsir því bara hvað aðstæður eru óviðunandi“ Fanndís Birna Logadóttir skrifar 27. apríl 2022 21:31 Brunavarnakerfi fór í gang á annarri hæð byggingarinnar í gær og flæddi vatn um alla hæðina. Mynd/Hekla Dís Pálsdóttir Tjón í húsnæði Listaháskóla Íslands í Þverholti virðist minna en á horfðist í fyrstu þegar mikill vatnsleki kom þar upp í gær. Ríkisstjórnin samþykkti í gær að vinna að húsnæðismálum háskólans og flutning þess í Tollhúsið. Eektor segir það löngu tímabært og hlakkar til að glæða miðbæinn lífi aftur. Vatn flæddi um alla aðra hæð byggingarinnar í gær þegar brunavarnakerfi fór í gang. Fjölmargir nemendur við skólann hjálpuðust að í dag við að tæma rýmið, koma drasli frá, flokka það sem eftir er og finna það sem þarf að þurrka. Ekki er búið að meta hversu mikið tjónið raunverulega er en rektor segir þau hafa sloppið ágætlega miðað við. Sem betur fer sluppu verk margra útskriftarnema sem voru á hæðinni en helst hafa þau áhyggjur af tölvunum sem voru undir vatninu. „Ef að tölvur nemenda hafa skemmst með þeirra hugverkum í, það er kannski sárast, en við munum gera allt sem við getum. Við erum þegar komin með tölvusérfræðinga í að skoða þær tölvur og við erum að gera allt sem við getum til að bæta þeim það og vinna það upp,“ segir Fríða Björk Ingvarsdóttir, rektor Listaháskólans. Kerfið fór óvart í gang þegar nemendur voru að reyna að tengja fjöltengi í rýminu en Fríða bendir á að það sé mikill skortur á innstungum í öllum sex byggingum Listaháskólans og segir það verulegt vandamál. „Sú staðreynd er svolítið lýsandi fyrir þann húsnæðisvanda sem við erum að glíma við alla daga, allan ársins hring, með öllu þessu frábæra fólki sem vinnur hérna, hvort sem það eru nemendur eða starfsfólk,“ segir Fríða. „Þetta lýsir því bara hvað aðstæður eru óviðunandi og hending að það séu ekki fleiri slys.“ Hafa beðið í rúma tvo áratugi Góðu fréttirnar eru þó þær að ríkisstjórnin samþykkti í gær, sama dag og flóðið varð, að fjármagna flutning háskólans yfir í framtíðarhúsnæði háskólans í Tollhúsið á Tryggvagötu. Fyrst var tilkynnt um að það stæði til að flytja háskólann í það húsnæði í ágúst í fyrra. Fríða Björk Ingvarsdóttir, rektor Listaháskóla Íslands.Vísir/Bjarni „Þetta er eitthvað sem var lagt upp með strax í upphafi þegar skólinn var stofnaður fyrir 22 árum síðan og það er búið að vera að berjast fyrir þessu allar götur síðan. Þannig þetta hefur alveg gríðarlega mikla þýðingu fyrir okkur,“ segir Fríða. Þær byggingar sem nú hýsa háskólann eru ekki hannaðar fyrir háskólastarf, hvað þá á fræðisviði lista, og því sé þörf mikil. „Við erum hvergi að vinna í faglegu umhverfi sem hæfir þeirri menntun og þeirri vinnu sem við erum að vinna dags daglega,“ segir Fríða. Það fossaði úr þessum krana.Mynd/Hekla Dís Pálsdóttir Hún fagnar því innilega ákvörðun ríkisstjórnarinnar en bætir við að ekki sé um einfalda framkvæmd að ræða. Hún kann ráðherrum miklar þakkir fyrir að fylgja málinu eftir hratt og örugglega, þar á meðal forsætisráðherra, háskólaráðherra og fjármálaráðherra. Þá þakkar hún einnig borgaryfirvöldum, einna helst borgarstjóra Reykjavíkur sem hún segir hafa stutt við háskólann í hátt í áratug. Lyftistöng fyrir listina í landinu Ætla má að verkefnið muni taka nokkur ár og kosta hátt í tólf milljarða. Þrátt fyrir að um háa upphæð sé að ræða fer stór hluti þessa kostnaðar þegar að miklu leyti í að reka aðrar byggingar skólans. „Þannig það er ekki þannig að það sé tekið tvisvar upp úr vasa skattgreiðenda,“ segir Fríða. Hún segir ekki eftir neinu að bíða og er hugmyndavinna að breytingum á Tollhúsinu að hefjast. Fríða segir þau bjartsýn á stöðuna, þrátt fyrir að þau hafi búið við erfiðar aðstæður undanfarin ár. Þá sé um að ræða sóknarfæri fyrir listirnar og skapandi greinar í landinu en með flutningnum verður aðstæður fyrir allar listgreinar undir einu þaki, fyrir listnema, listamenn og almenning. Einnig er um að ræða tækifæri til að glæða borgina aftur lífi. „Ég held að þetta verði lyftistöng fyrir borgina, fyrir skapandi greinar og fyrir listina í landinu, menninguna, og það er ekki mikill fórnarkostnaður samfélagslega til þess að koma svona miklum ávinningi af stað,“ segir Fríða. Ríkisstjórn Katrínar Jakobsdóttur Reykjavík Borgarstjórn Háskólar Skóla - og menntamál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lögregla sendi fólk aftur inn úr blíðunni Innlent „Þetta er bara of dýrt eins og staðan er í dag“ Innlent Flugvél til Akureyrar snúið við á miðri leið Innlent „Hvorum megin í sögunni ætlar þú að skipa þér, Sigmundur Davíð?“ Innlent Talið að lík Mosley sé fundið Erlent Lögregluaðgerðir á nokkrum stöðum í tengslum við vændisrannsókn Innlent Minnist ævintýragjarna og dásamlega mannsins síns Erlent Vanhæfur þegar hann dæmdi mann til að greiða 142 milljónir Innlent Macron rýfur þingið og boðar til kosninga Erlent Ótrúlegt sjónarspil á Grindavíkurvegi Innlent Fleiri fréttir Tveir fluttir á sjúkrahús: Þriðja útkallið á einum sólarhring Iðnaðarnjósnir raunveruleg ógn við íslensk fyrirtæki Ungt burðardýr hlaut vægari dóm í Landsrétti Pönnukökumeistari með kaffi í pönnukökunum Lögregluaðgerðir á nokkrum stöðum í tengslum við vændisrannsókn Ný ógn við íslensk fyrirtæki og pönnukökumeistari krýndur Lögregla sendi fólk aftur inn úr blíðunni Björguðu manni sem lenti í sjálfheldu á Fimmvörðuhálsi „Hvorum megin í sögunni ætlar þú að skipa þér, Sigmundur Davíð?“ Pylsuvagninn á Selfossi er 40 ára í dag: Fríar pylsur og kók Áætlanir gera ráð fyrir að hraun fari yfir lagnir Kynferðisbrot tengt Polar Nanoq og annað áhlaup á Grindavíkurveg Þremur skipverjum verið sleppt úr haldi Flugvél til Akureyrar snúið við á miðri leið Vonast til að opna Bláa lónið á næstu dögum Orkumál, Evrópuþingskosningar, utanríkisstefna Íslands og velsældarsamfélagið „Þetta er bara of dýrt eins og staðan er í dag“ Apollo-geimfarinn sem laumaði íslenskum peningi til tunglsins Sólríkt sunnanlands og allt að 16 stiga hiti 19 ára stelpa á Selfossi útskrifuð sem vélvirki Hrauntungan mallar löturhægt áfram Ótrúlegt sjónarspil á Grindavíkurvegi Borgarstjóri á hvolfi hátt yfir Reykjavík Vanhæfur þegar hann dæmdi mann til að greiða 142 milljónir Tvö þúsund manns heimsóttu Guðna í síðasta sinn Ekki lagaheimild fyrir einhliða viðskiptaþvingunum gegn Ísrael Sækja tvo slasaða eftir bílveltu Telur að lokast hafi fyrir gíginn að hluta Grunaður um að hafa brotið á konu um borð í Polar Nanoq Blóðbað við björgun gísla og bein útsending frá Grindavíkurvegi Sjá meira
Vatn flæddi um alla aðra hæð byggingarinnar í gær þegar brunavarnakerfi fór í gang. Fjölmargir nemendur við skólann hjálpuðust að í dag við að tæma rýmið, koma drasli frá, flokka það sem eftir er og finna það sem þarf að þurrka. Ekki er búið að meta hversu mikið tjónið raunverulega er en rektor segir þau hafa sloppið ágætlega miðað við. Sem betur fer sluppu verk margra útskriftarnema sem voru á hæðinni en helst hafa þau áhyggjur af tölvunum sem voru undir vatninu. „Ef að tölvur nemenda hafa skemmst með þeirra hugverkum í, það er kannski sárast, en við munum gera allt sem við getum. Við erum þegar komin með tölvusérfræðinga í að skoða þær tölvur og við erum að gera allt sem við getum til að bæta þeim það og vinna það upp,“ segir Fríða Björk Ingvarsdóttir, rektor Listaháskólans. Kerfið fór óvart í gang þegar nemendur voru að reyna að tengja fjöltengi í rýminu en Fríða bendir á að það sé mikill skortur á innstungum í öllum sex byggingum Listaháskólans og segir það verulegt vandamál. „Sú staðreynd er svolítið lýsandi fyrir þann húsnæðisvanda sem við erum að glíma við alla daga, allan ársins hring, með öllu þessu frábæra fólki sem vinnur hérna, hvort sem það eru nemendur eða starfsfólk,“ segir Fríða. „Þetta lýsir því bara hvað aðstæður eru óviðunandi og hending að það séu ekki fleiri slys.“ Hafa beðið í rúma tvo áratugi Góðu fréttirnar eru þó þær að ríkisstjórnin samþykkti í gær, sama dag og flóðið varð, að fjármagna flutning háskólans yfir í framtíðarhúsnæði háskólans í Tollhúsið á Tryggvagötu. Fyrst var tilkynnt um að það stæði til að flytja háskólann í það húsnæði í ágúst í fyrra. Fríða Björk Ingvarsdóttir, rektor Listaháskóla Íslands.Vísir/Bjarni „Þetta er eitthvað sem var lagt upp með strax í upphafi þegar skólinn var stofnaður fyrir 22 árum síðan og það er búið að vera að berjast fyrir þessu allar götur síðan. Þannig þetta hefur alveg gríðarlega mikla þýðingu fyrir okkur,“ segir Fríða. Þær byggingar sem nú hýsa háskólann eru ekki hannaðar fyrir háskólastarf, hvað þá á fræðisviði lista, og því sé þörf mikil. „Við erum hvergi að vinna í faglegu umhverfi sem hæfir þeirri menntun og þeirri vinnu sem við erum að vinna dags daglega,“ segir Fríða. Það fossaði úr þessum krana.Mynd/Hekla Dís Pálsdóttir Hún fagnar því innilega ákvörðun ríkisstjórnarinnar en bætir við að ekki sé um einfalda framkvæmd að ræða. Hún kann ráðherrum miklar þakkir fyrir að fylgja málinu eftir hratt og örugglega, þar á meðal forsætisráðherra, háskólaráðherra og fjármálaráðherra. Þá þakkar hún einnig borgaryfirvöldum, einna helst borgarstjóra Reykjavíkur sem hún segir hafa stutt við háskólann í hátt í áratug. Lyftistöng fyrir listina í landinu Ætla má að verkefnið muni taka nokkur ár og kosta hátt í tólf milljarða. Þrátt fyrir að um háa upphæð sé að ræða fer stór hluti þessa kostnaðar þegar að miklu leyti í að reka aðrar byggingar skólans. „Þannig það er ekki þannig að það sé tekið tvisvar upp úr vasa skattgreiðenda,“ segir Fríða. Hún segir ekki eftir neinu að bíða og er hugmyndavinna að breytingum á Tollhúsinu að hefjast. Fríða segir þau bjartsýn á stöðuna, þrátt fyrir að þau hafi búið við erfiðar aðstæður undanfarin ár. Þá sé um að ræða sóknarfæri fyrir listirnar og skapandi greinar í landinu en með flutningnum verður aðstæður fyrir allar listgreinar undir einu þaki, fyrir listnema, listamenn og almenning. Einnig er um að ræða tækifæri til að glæða borgina aftur lífi. „Ég held að þetta verði lyftistöng fyrir borgina, fyrir skapandi greinar og fyrir listina í landinu, menninguna, og það er ekki mikill fórnarkostnaður samfélagslega til þess að koma svona miklum ávinningi af stað,“ segir Fríða.
Ríkisstjórn Katrínar Jakobsdóttur Reykjavík Borgarstjórn Háskólar Skóla - og menntamál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lögregla sendi fólk aftur inn úr blíðunni Innlent „Þetta er bara of dýrt eins og staðan er í dag“ Innlent Flugvél til Akureyrar snúið við á miðri leið Innlent „Hvorum megin í sögunni ætlar þú að skipa þér, Sigmundur Davíð?“ Innlent Talið að lík Mosley sé fundið Erlent Lögregluaðgerðir á nokkrum stöðum í tengslum við vændisrannsókn Innlent Minnist ævintýragjarna og dásamlega mannsins síns Erlent Vanhæfur þegar hann dæmdi mann til að greiða 142 milljónir Innlent Macron rýfur þingið og boðar til kosninga Erlent Ótrúlegt sjónarspil á Grindavíkurvegi Innlent Fleiri fréttir Tveir fluttir á sjúkrahús: Þriðja útkallið á einum sólarhring Iðnaðarnjósnir raunveruleg ógn við íslensk fyrirtæki Ungt burðardýr hlaut vægari dóm í Landsrétti Pönnukökumeistari með kaffi í pönnukökunum Lögregluaðgerðir á nokkrum stöðum í tengslum við vændisrannsókn Ný ógn við íslensk fyrirtæki og pönnukökumeistari krýndur Lögregla sendi fólk aftur inn úr blíðunni Björguðu manni sem lenti í sjálfheldu á Fimmvörðuhálsi „Hvorum megin í sögunni ætlar þú að skipa þér, Sigmundur Davíð?“ Pylsuvagninn á Selfossi er 40 ára í dag: Fríar pylsur og kók Áætlanir gera ráð fyrir að hraun fari yfir lagnir Kynferðisbrot tengt Polar Nanoq og annað áhlaup á Grindavíkurveg Þremur skipverjum verið sleppt úr haldi Flugvél til Akureyrar snúið við á miðri leið Vonast til að opna Bláa lónið á næstu dögum Orkumál, Evrópuþingskosningar, utanríkisstefna Íslands og velsældarsamfélagið „Þetta er bara of dýrt eins og staðan er í dag“ Apollo-geimfarinn sem laumaði íslenskum peningi til tunglsins Sólríkt sunnanlands og allt að 16 stiga hiti 19 ára stelpa á Selfossi útskrifuð sem vélvirki Hrauntungan mallar löturhægt áfram Ótrúlegt sjónarspil á Grindavíkurvegi Borgarstjóri á hvolfi hátt yfir Reykjavík Vanhæfur þegar hann dæmdi mann til að greiða 142 milljónir Tvö þúsund manns heimsóttu Guðna í síðasta sinn Ekki lagaheimild fyrir einhliða viðskiptaþvingunum gegn Ísrael Sækja tvo slasaða eftir bílveltu Telur að lokast hafi fyrir gíginn að hluta Grunaður um að hafa brotið á konu um borð í Polar Nanoq Blóðbað við björgun gísla og bein útsending frá Grindavíkurvegi Sjá meira