Gunnar snýr til baka í frábæru standi

Gunnar barðist síðast við Gilbert Burns í Kaupmannahöfn í september árið 2019. Þá var Covid ekki komið til Íslands. Nú er Covid vonandi á enda og okkar maður klár í næsta slag.

Mjölnir fylgir sínum manni eftir venju samkvæmt og gefur út þættina „The Grind“ þar sem áhugasamir geta kíkt á bak við tjöldin.

Í fyrsta þættinum talar Gunnar um þá ánægju sína að hafa getað klárað æfingabúðir án þess að vera meiddur. Langt síðan það gerðist.

Einn af hans þjálfurum, Luka Jelcic, segir Gunnar hafa tekið miklum framförum og bíður spenntur eftir að sjá hann í búrinu gegn Sato.