Íslenski boltinn

Blikar enn með fullt hús stiga

Hjörtur Leó Guðjónsson skrifar
Breiðablik vann góðan 2-1 sigur gegn Þór í dag.
Breiðablik vann góðan 2-1 sigur gegn Þór í dag. Vísir/Hulda Margrét

Breiðablik er enn með fullt hús stiga í riðli tvö í A-deild Lengjubikars karla eftir 2-1 útisigur gegn Þór frá Akureyri í dag.

Sölvi Snær Guðbjargarson kom Blikum yfir eftir rúmlega hálftíma leik og staðan var 1-0 þegar flautað var til hálfleiks.

Það var svo Ásgeir Galdur Guðmundsson sem skoraði annað mark Blika snemma í síðari hálfleik áður en Je-Wook Woo minnkaði muninn fyrir Þórsara og þar við sat.

Niðurstaðan varð því 2-1 sigur Blika, en liðið er nú með níu stig eftir þrjá leiki. Blikar sitja í öðru sæti riðilsins, en ÍA er einnig með níu stig, en með betri markatölu og hafa leikið einum leik meira.

Þórsarar sitja hins vegar í fimmta sæti með tvö stig eftir fjóra leiki.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.