Innlent

Upplýst snjallgangbraut vekur mikla lukku

Kristín Ólafsdóttir skrifar
Gangbrautin lýsist upp þegar gangandi vegfarendur nálgast.
Gangbrautin lýsist upp þegar gangandi vegfarendur nálgast.

Nemendur og foreldrar í Melaskóla eru hæstánægðir með nýja, upplýsta snjallgangbraut við skólann. Krakkarnir upplifa sig mun öruggari í skammdeginu en áður og vilja helst að allar gangbrautir borgarinnar verði settar í þennan búning.

Fljótt á litið lætur gangbrautin ekki mikið yfir sér en hún er eiginlega langt frá því að vera venjuleg. Þegar stigið er á hana lýsist hún upp, eins og fréttamaður sannreyndi í skammdeginu fyrir framan Melaskóla í morgun.

Gangbrautin við Melaskóla var tekin í notkun nú í haust og er ein af fjórum LED-lýstum snjallgangbrautum í Reykjavík; hinar þrjár voru reistar við Rofabæ, Seljaskóga og Fjallkonuveg. 

RVH

Gangbrautirnar eru búnar skynjara og lýsast eingöngu upp þegar gangandi eða hjólandi vegfarendur nálgast. Þær haldast myrkvaðar þegar bíla ber að garði. Þá fylgja þeim jafnframt upplýst gangbrautarskilti en áætlaður kostnaður við verkefnið 2020 var 190 milljónir króna. 

Nemendur og foreldrar sem fréttastofa tók tali þegar þeir streymdu í skólann í morgun létu afar vel af gangbrautinni snjöllu, líkt og sjá má í spilaranum hér fyrir ofan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.