Selfyssingar framlengja við Áslaugu Dóru

Þrátt fyrir ungan aldur hefur Áslaug Dóra öðlast mikla reynslu. Þessi 18 ára varnarmaður hefur leikið 67 meistaraflokkslieki fyrir Selfoss, þar af 48 í efstu deild.

Áslaug Dóra er fyrirliði U19 landsliðs Íslands og í tilkynningu frá Selfyssingum kemur fram að hún hafi undanfarin þrjú ár verið lykilmaður í kvennaliði félagsins. Þá segir einnig í tilkynningunni að Áslaug Dóra sé ein af efnilegustu knattspyrnukonum landsins.

„Ég er mjög ánægð með að vera búin að framlengja við uppeldisfélagið mitt. Selfoss hefur alltaf staðið fyrir sínu, umgjörðin er frábær og mér líður mjög vel hérna. Það eru spennandi tímar framundan og get ég ekki beðið eftir næsta tímabili,“ segir Áslaug Dóra.