Tíska og hönnun

Stefnir ekki á að fara líka út í fatahönnun en útilokar ekkert

Sylvía Rut Sigfúsdóttir skrifar
Egill Fannar og Gauti Reynissynir hönnuðu inniskó sem fengið hafa góðar viðtökur.
Egill Fannar og Gauti Reynissynir hönnuðu inniskó sem fengið hafa góðar viðtökur. Samsett

„Við bræður, ég og Gauti Reynisson, réðumst i þetta samstarf fyrir um þremur árum með skósmíðameistaranum Lárusi Gunnsteinssyni,“ segir Egill Fannar Reynisson einn eigenda Betra baks og einn þriggja hönnuða merkisins Kosy sem framleiðir inniskó og þar á meðal týpuna Stormur.

„Lárus hefur meðal annars unnið hjá Össur en hann lærði sjúkraskósmíði í Svíþjóð. Ef ég man rétt útskrifaðist á sínum tíma með hæstu einkunn sem gefin hafði verið við skólann sem hann var í.“

Aðspurður um hvers vegna þetta kom til segir Egill að þeir bræður hafi lengi leitað að vönduðum inniskóm til að selja í verslunum en hafi ekki dottið niður á neitt sem þeim leist báðum nógu vel á.

„Þar sem við höfum nú alltaf verið nokkuð framkvæmdaglaðir lá auðvitað beinast við að gerast inniskóahönnuðir,“ segir Egill og hlær.

„En svona að öllu gríni slepptu þá varð þetta að miklu stærra verkefni en við lögðum upp með og það að fá Lárus í lið með okkur var mikill happafengur.“ 

Í öðru sæti á eftir bókinni

Egill segir að það sé auðvitað ekki nóg að inniskór líti vel út því þeir verði að gera sitt gagn líka og í því sambandi má nefna þægindi og eins að vera góðir fyrir heilsuna. 

Bræðurnir fundu ekki réttu inniskóna svo þeir ákváðu að hanna þá sjálfir.Kosy

„Innleggin í skónum eru einmitt mjög vönduð og Lárus er auðvitað töframaður í sínu fagi og úr varð níu svæða nuddinnlegg sem dregur úr spennu og örvar blóðflæði. Er hægt að biðja eitthvað meira undir tréð eftir allt jólaamstrið? Ég held ekki, enda hefur það sýnt sig í gegnum árin að inniskór eru alltaf að skora hátt þegar jólagjöfum og oftar en ekki í öðru sæti á eftir bókinni,“ segir Egill.

Náttföt og þægilegur fatnaður gera það víst líka og aðspurður segist Egill ekki hafa í hyggju að gerast fatahönnuður í ofanálag. 

„Það er nú samt aldrei að vita hvað við bræður tökum upp á.“


Tengdar fréttir

Íslenskri hönnun varpað á skjái um allt höfuðborgarsvæðið

Í október fer í fyrsta sinn af stað einstakt átak sem ætlað er að vekja áhuga á íslenskri hönnun. 60 ólíkar hönnunarvörur, frá ferðavögnum yfir í flothettur og allt þar á milli, munu prýða ljósaskilti um allt höfuðborgarsvæðið þessa vikuna og sýna fjölbreytileika og fegurð íslenskrar hönnunar






Fleiri fréttir

Sjá meira


×