Met­sölu­höfundurinn Wilbur Smith er látinn

BBC segir Smith, sem fæddist í Norður-Ródesíu, eða Sambíu, hafa gefið út 49 bækur á ferli sínum sem hafi selst í rúmlega 140 milljónum eintaka á heimsvísu.

Smith vakti talsverða athygli eftir útgáfu fyrstu bókar sinnar, When the Lion Feeds, árið 1964. Segir þar sögu af ungum manni sem elst upp á nautgripabúgarði í Suður-Afríku í skugga Búastríðanna og mikils gullæðis í landinu.

Meðal annara vinsælla metsölubóka Smith má nefna The River God og The Triumph of the Sun.

Hann gaf út sjálfsævisögu sína árið 2018, en hún bar titilinn On Leopard Rock.