Íslenski boltinn

Segja að markahæsti og leikjahæsti KR-ingurinn sé líklega á leið i Stjörnuna

Óskar Ófeigur Jónsson skrifar
Óskar Örn Hauksson skorar hér fyrir KR í Pepsi Max deild karla í sumar.
Óskar Örn Hauksson skorar hér fyrir KR í Pepsi Max deild karla í sumar. Vísir/Vilhelm

Óskar Örn Hauksson hefur spilað með KR undanfarin fimmtán tímabil en það gæti orðið breyting á því næsta sumar.

Samkvæmt frétt á Fótbolta.net þá er Óskar Örn líklegur til að semja við Stjörnuna og spila með liðinu í Pepsi Max deildinni 2022.

Samningur Óskars og KR er að renna út en hann varð 37 ára gamall í ágúst síðastliðnum.

Samkvæmt heimildum Fótbolta.net er Óskar með talsvert bitastæðara tilboð úr Garðabænum en það sem KR hefur boðið honum. Líklegt er því að hann skrifi undir hjá Stjörnunni.

Rúnar Kristinsson, þjálfari KR, segir í fréttinni að það hafi verið erfitt að hitta á Óskar til að ræða málið og ástæðuna segir hann að Óskar sé nýbúinn að eignast barn.

Óskar Örn var með fimm mörk og eina stoðsendingu í 22 leikjum með KR í Pepsi Max deildinni i sumar þar sem liðið náði þriðja sæti og komst með því í Evrópukeppni.

Óskari vantar aðeins fjóra leiki til að verða sá fyrsti til að spila þrjú hundruð leiki fyrir KR í efstu deild. Hann er fyrir löngu búinn að slá leikjamet Þormóðs Egilssonar sem var 239 leikir. Óskar Örn er einnig sá markahæsti hjá KR í efstu deild með 73 mörk.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.