Forsetinn brá sér í hlutverk leiðsögumanns

Berghildur Erla Bernharðsdóttir og Þorgils Jónsson skrifa 5. nóvember 2021 21:26

Guðni Th. Jóhannesson, forseti Íslands, gerði sér lítið fyrir og brá sér í hlutverk leiðsögumanns eftir fund í Ráðhúsi Reykjavíkur í dag, við mikinn fögnuð erlendra ferðamanna.

„Við á Íslandi getum snúið smæð okkar í styrk“, sagði Guðni í samtali við fréttastofu. „Þetta er kannski dæmi um það að á þessu ágæta landi okkar getur það gerst að útlendingar rekist á mig eða annað fólk í áberandi stöðum.“

Ferðamennirnir virtust kunna afar vel að meta þessa óvæntu uppákomu.

„Þetta var stórkostlegt, hann virtist svo vingjarnlegur og hlýlegur“, sögðu þær Synthia og Kylin Salsbery frá Bandaríkjunum og bættu við að þetta hafi verið afar óvænt en skemmtileg upplifun.

Klippa: Forseti Íslands gerðist óvænt leiðsögumaður

Forseti Íslands Ferðamennska á Íslandi Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.