Vítaspyrnumark á lokamínútunni bjargaði stigi fyrir Juve

Jöfnunarmarkinu fagnað.
Jöfnunarmarkinu fagnað. vísir/Getty

Juventus hefur alls ekki verið sannfærandi í upphafi leiktíðar og mátti alls ekki við því að tapa gegn ríkjandi Ítalíumeisturum Inter í kvöld.

Edin Dzeko kom Inter yfir eftir sautján mínútna leik og stefndi lengi í að þeir myndu hirða öll þrjú stigin.

Á lokamínútu venjulegs leiktíma fengu gestirnir hins vegar dæmda vítaspyrnu við kröftug mótmæli heimamanna sem leiddi meðal annars til þess að Simone Inzaghi, þjálfari Inter, fékk að líta rauða spjaldið.

Paulo Dybala fór á vítapunktinn og skoraði og tryggði Juventus þar með eitt stig.

Inter í 3.sæti með átján stig en Juventus í því sjötta með fimmtán stig.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.