Fyrsti íbúi eyjanna til að greinast með Covid-19

Atli Ísleifsson skrifar 20. október 2021 08:47

Maður greindist með Covid-19 á sjúkrahúsinu í Longyearbyen á Svalbarða í gær og er um að ræða fyrsta smitaða íbúa eyjanna frá upphafi faraldursins.

Þetta kemur fram á vef NRK. Knut Selmer, smitsjúkdómalæknir á Svalbarða, leggur áherslu á að ekki sé ástæða fyrir íbúa á Svalbarða að hafa sérstakar áhyggjur.

Þeir sem séu fullbólusettir þurfi ekki að grípa til neinna sérstakra aðgerða vegna smitsins, en þeir sem hafi verið í samskiptum við hinn smitaða og finni fyrir einkennum á næstu dögum eru hvattir til að fara í sýnatöku.

„Það mikilvægasta er að bólusetja eins marga og hægt er og að fólki fari eftir reglum um sóttvarnir,“ segir Selmer.

Áður hafði verið greint frá því að maður hafi greinst með kórónuveiruna á sjúkrahúsinu í Longyearbyen eftir að hafa verið sóttur þaðan frá Bjørnøya.

Noregur Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.