Fótbolti

Mbappé reyndist hetja PSG

Hjörtur Leó Guðjónsson skrifar
Kylian Mbappé lagði upp og skoraði fyrir PSG í kvöld.
Kylian Mbappé lagði upp og skoraði fyrir PSG í kvöld. AP Photo/Francois Mori

Franska stórveldið Paris Saint-Germain vann 2-1 sigur þegar að liðið tók á móti Angers í frönsku úrvalsdeildinni í knattspyrnu í kvöld. Kylian Mbappé skoraði sigurmark PSG af vítapunktinum undir lok leiks.

Angelo Fulgini kom gestunum í Angers í 1-0 forystu rétt tæpum tíu mínútum fyrir hálfleik, og þannig var staðan þegar gengið var til búningsherbergja.

Danilo Pereira jafnaði metin fyrir PSG þegar um tuttugu mínútur voru til leiksloka eftir stoðsendingu frá Kylian Mbappé.

Parísarliðið fékk svo vítaspyrnu þegar tæpar fimm mínútur voru til leiksloka þegar að boltinn virtist fara í hönd Pierrick Capelle. Kylian Mbappé fór á punktinn og tryggði PSG 2-1 sigur.

Eftir sigurinn er PSG enn langefst í frönsku deildinni með 27 stig eftir tíu leiki, níu stigum á undan næsta liði. Angers situr í fjórða sæti með 16 stig.

Franski boltinn

Mest lesið


Fleiri fréttir

Sjá meira


×

Mest lesið