Íslenski boltinn

Birnir Snær að ganga í raðir Íslandsmeistaranna

Hjörtur Leó Guðjónsson skrifar
Birnir Snær Ingason er að ganga í raðir Íslandsmeistaranna.
Birnir Snær Ingason er að ganga í raðir Íslandsmeistaranna. Vísir/Daníel Þór

Birnir Snær Ingason, sóknarmaður HK, er að ganga í raðir Íslandsmeistara Víkings frá Kópavogsliðinu.

Frá þessu var fyrst greint á Fótbolti.net, en þar kemur fram að Birnir verði kynntur sem leikmaður Víkings í hádeginu á morgun.

Birnir er 24 ára sóknarmaður, alinn upp hjá Fjölni, en hefur einnig leikið með Val hér á landi.

Alls á Birnir að baki 121 leik í efstu deild þar sem hann hef­ur skorað 25 mörk en hann lék 21 leik með HK í úr­vals­deild­inni í sum­ar þar sem hann skoraði 6 mörk.

Birnir verður því þriðji leikmaðurinn sem Víkingar krækja í eftir nýafstaðið tímabil, en hinir tveir eru þeir Arnór Borg Guðjohnsen frá Fylki og Kyle McLachlan frá Fram.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.