Fótbolti

Gunnhildur Yrsa og stöllur töpuðu öðrum leiknum í röð

Arnar Geir Halldórsson skrifar
Orlando Pride
Orlando Pride vísir/Getty

Gunnhildur Yrsa Jónsdóttir var á sínum stað í byrjunarliði Orlando Pride þegar liðið fékk Gotham í heimsókn í bandarísku úrvalsdeildinni í fótbolta í nótt.

Gestirnir byrjuðu af miklum krafti og komust yfir strax á 3.mínútu leiksins. Gunnhildur og stöllur hennar náðu ekki að hrista af sér þessa slæmu byrjun og eftir 50 mínútna leik var staðan orðin 0-3 fyrir Gotham.

Gunnhildi var skipt af velli eftir klukkutíma leik.

Orlando Pride náði að laga stöðuna á lokamínútum leiksins með tveimur mörkum, það síðara skoraði hin brasilíska Marta af vítapunktinum.

Lokatölur 2-3 fyrir Gotham en þetta var annað tap Orlando Pride í röð og situr liðið nú í 8.sæti deildarinnar en þar leika alls tíu lið.

Fótbolti

Mest lesið


Fleiri fréttir

Sjá meira


×

Mest lesið