RAX Augnablik: Litla barnið dó úr lungnabólgu því það var engin leið að sækja það

Sylvía Rut Sigfúsdóttir skrifar 10. október 2021 07:01

Annar þáttur í annarri þáttaröð af RAX Augnablik kallast Á flótta undan fárviðri. Vísir/RAX

„Þegar ég var búinn að vera að mynda í þorpinu í nokkra daga þá kemur Tobias hlaupandi og segir við verðum að fara núna, það er að skella á stormur.“

Árið 2015 varð Ragnar Axelsson að flýja undan óveðri ásamt Tobiasi veiðimanni, í þorpinu Tiniteqilaaq við Sermilik fjörð á Grænlandi. Þeir vildu forðast að verða veðurtepptir í þorpinu í marga daga eða jafn vel vikur.

„Ég tek draslið mitt saman og rýk niður í bátinn, pínu litla jullu, bara eins og baðkar og tekur þrjá með góðu móti.“

Félagarnir sigldu í meira en tvær klukkustundir eftir firðinum og þá tóku við margar klukkustundir á ísnum, á flótta undan fárviðrinu.

Í öðrum þætti af annarri þáttaröðinni af RAX Augnablik segir ljósmyndarinn frá ævintýrinu í Tiniteqilaaq. Í þorpinu var einnig annar íslenskur ljósmyndari, Kristján Friðriksson.

Frásögnina má heyra í heild sinni í þættinum Á flótta undan fárviðri. RAX Augnablik eru örþættir og þáttur vikunnar er um sex mínútur.

Klippa: RAX Augnablik - Á flótta undan fárviðri

Ragnar Axelsson sagði oft frá ævintýrum á Grænlandi í fyrstu þáttaröðinni af RAX Augnablik. Nokkur eftirminnileg dæmi má sjá hér fyrir neðan.

Í þáttunum RAX AUGNABLIK segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+.

Hægt er að sjá alla þættina HÉR á Vísi.

Ljósmyndun RAX Menning Grænland