Erlent

Kanna hvort sprengju hafi verið komið fyrir í Gautaborg

Kjartan Kjartansson skrifar
Slökkviliðsmaður í körfubíl við íbúðarhúsið í Gautaborg þar sem mikil sprenging og eldsvoði urðu snemma í morgun.
Slökkviliðsmaður í körfubíl við íbúðarhúsið í Gautaborg þar sem mikil sprenging og eldsvoði urðu snemma í morgun. Vísir/EPA

Lögreglan í Gautaborg rannsakar nú hvort að sprengju kunni að hafa verið komið fyrir við fjölbýlishús þar sem mikil sprenging varð snemma í morgun. Fjórir íbúar hússins eru alvarlega slasaðir en að minnsta kosti sextán voru fluttir á sjúkrahús.

Eldur blossaði upp í íbúðarhúsinu í Annedal-hverfinu miðsvæðis í Gautaborg rétt fyrir klukkan fimm að staðartíma í morgun. Slökkviliðsmenn drógu fólk út úr byggingunni en mikinn reyk lagði frá stigagöngum og út um glugga. Þrjár konur og einn karlmaður eru sögð alvarlega slösuð.

Thomas Fuxborg, talsmaður lögreglunnar í Gautaborg, segir að hana gruni að eitthvað hafi sprungið sem átti sér ekki „náttúrulegar orsakir“. Líklega hafi einhverju verið komið fyrir þar sem sprengingin varð, að sögn Reuters-fréttastofunnar.

Slökkviliðið hefur útilokað að gasleki hafi valdið sprengingunni. Liðsmenn þess reyna enn að ráða niðurlögum eldsins.

Átök á milli glæpagengja hafa farið harðnandi í Svíþjóð undanfarin ár en hafa glæpamenn jafnvel notað sprengjur og skotvopn til að vinna hver öðrum mein.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.