Sport

Búin að setja yfir 85 Íslandsmet og lyfti sig inn á HM fullorðinna í desember

Óskar Ófeigur Jónsson skrifar
Katla Björk Ketilsdóttir var að gera flotta hluti í Finnlandi.
Katla Björk Ketilsdóttir var að gera flotta hluti í Finnlandi. Lyftingasamband Íslands

Katla Björk Ketilsdóttir sýndi styrk sinn á Evrópumeistaramóti undir 23 ára í Rovaniemi í Finnlandi.

Katla Björk sló eitt Íslandsmet og jafnaði annað í keppninni. Hún bætti sinn besta árangur í snörun um þrjú kíló og jafnaði Íslandsmetið með því að lyfta 83 kílóum í síðustu snörun.

Katla fór síðan upp með 99 kílóa stöng í jafnhendingu sem var sjö kílóa persónuleg bæting hjá henni.

Katla bætti sig því um heil tíu kíló í samanlögðu sem er svakalega mikil bæting á einu bretti.

Kötlu hefur farið mikið fram á æfingum síðast liðna mánuði en keppti hún á Sumarmóti LSÍ á Selfossi til þess eins að ná lágmörkum á EM U23 og er því búin að stefna að mótinu í ágætis tíma.

Þessi góða frammistaða í snörun og jafnhendingu þýddi að Katla lyfti alls 182 kílóum í samanlögðu og setti nýtt Íslandsmet í bæði 64 kílóa flokki 23 ára og yngri sem og hjá fullorðnum.

Með þessum árangri náði Katla líka 240,28 Sinclair stigum og hefur því náð C lágmörkum á Heimsmeistaramóti Senior í Uzbekistan í desember.

Katla hefur keppt í lyftingum frá því hún var sextán ára gömul eða í fimm ár og hefur hún set 86 Íslandsmet á ferlinum.




Fleiri fréttir

Sjá meira


×