Innlent

Ekið á barn og þvotti stolið úr sameiginlegu þvottahúsi

Hólmfríður Gísladóttir skrifar
Vísir/Egill

Lögreglunni á höfuðborgarsvæðinu bárust tvær tilkynningar í gær um árekstur í Kópavogi. Í öðru tilvikinu var ekið á barn á rafmagnshlaupahjóli en samkvæmt tilkynningu lögreglu virðist barnið hafa sloppið ómeitt.

Í hinu tilvikinu urðu sömuleiðis engin meiðsl á fólki en ökumaðurinn er grunaður um akstur undir áhrifum og gisti fangageymslu.

Talsverður erill var hjá lögreglu í Hlíðahverfinu í Reykjavík en þar barst tilkynning um kl. 20 um að fatnaði hefði verið stolið úr sameiginlegu þvottahúsi. Þá var ökumaður stöðvaður vegna gruns um akstur undir áhrifum fíkniefna, rétt fyrir miðnætti.

Örskömmu seinna barst tilkynning um innbrot í geymslur í sama hverfi. Óljóst er hvort einhverju var stolið en minniháttar skemmdarverk var unnið á geymslunum, samkvæmt tilkynningu lögreglu.

Þá var annar ökumaður stöðvaður í Hlíðahverfi um kl. 4 í nótt, grunaður um akstur undir áhrifum fíkniefna.

Lögreglumál Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið