Íslenski boltinn

Jason Daði á sprettinum í meira en 1,6 kílómetra í sigrinum á Val

Óskar Ófeigur Jónsson skrifar
Jason Daði Svanþórsson á ferðinni með Blikum.
Jason Daði Svanþórsson á ferðinni með Blikum. Vísir/Hulda Margrét

Jason Daði Svanþórsson átti mjög góðan leik með Breiðabliki í 3-0 sigri á Val í Pepsi Max deild karla í fótbolta um helgina og það kemur líka fram í hlaupatölunum úr leiknum.

Jason lagði upp tvö síðustu mörk Blika í leiknum og skapaði hvað eftir annað vandræði fyrir varnarmenn Valsliðsins.

Jason var sá leikmaður í þessum leik sem var langmest á sprettinum en alls var hann á sprettinum í meira en 1,6 kílómetra.

Jason var á sprettinum í næstum því þrjú hundruð fleiri metra en næsti maður sem var Tryggvi Hrafn Haraldsson hjá Val.

Næstur á eftir Jason hjá Blikum í sprettmetrum var fyrirliðinn Höskuldur Gunnlaugsson og það er því óhætt að segja að þeir tveir hafi herjað á Valsmenn á hægri vængnum en Höskuldur spilar í hægri bakverðinum en Jason á hægri vængnum.

Sá sem hljóp hins vegar mest á vellinum var Blikinn Viktor Karl Einarsson sem skilaði 12,57 kílómetrum í þessum leik. Kristinn Steindórsson kom næstur með 12,13 kílómetra og Jason Daði varð síðan þriðji hjá Breiðabliki en á eftir Valdsmönnunum Tryggva Hrafni Haraldssyni og Hauki Pál Sigurðssyni.

Smartsport.is hefur birt upplýsingar um efstu menn hjá báðum liðum og má sjá þær hér fyrir neðan.

Flestir hlaupnir kílómetrar í leik Breiðabliks og Vals 11. september 2021:

  • Breiðablik:
  • Viktor Karl Einarsson: 12,57 kílómetrar
  • Kristinn Steindórsson: 12,13 kílómetrar
  • Jason Daði Svanþórsson: 11,73 kílómetrar
  • Valur:
  • Tryggvi Hrafn Haraldsson: 11,92 kílómetrar
  • Haukur Páll Sigurðsson: 11,82 kílómetrar
  • Johannes Vall: 11,67 kílómetrar
  • -

Flestir sprettmetrar í leik Breiðabliks og Vals 11. september 2021:

  • Breiðablik:
  • Jason Daði Svanþórsson: 1.625 metrar
  • Höskuldur Gunnlaugsson: 1.299 metrar
  • Viktor Karl Einarsson: 1.254 metrar
  • Valur:
  • Tryggvi Hrafn Haraldsson: 1.367 metrar
  • Johannes Vall: 1.255 metrar
  • Guðmundur Andri Tryggvason (68 mínútur spilaðar): 1.078 metrar
Pepsi Max-deild karla Breiðablik Valur

Mest lesið


Fleiri fréttir

Sjá meira


×

Mest lesið