Innlent

Reyndi að stinga af á bíl og tveimur jafnfljótum

Samúel Karl Ólason skrifar
Minnst þrjár tilkynningar um líkamsárásir bárust lögreglu í gærkvöldi.
Minnst þrjár tilkynningar um líkamsárásir bárust lögreglu í gærkvöldi. Vísir/Vilhelm

Lögregluþjónar veittu ökumanni sem neitaði að stöðva bíl sinn eftirför í nótt. Upprunalega var reynt að stöðva manninn í Kópavogi en hann stöðvaði þó skömmu síðar. Þá reyndi hann að flýja hlaupandi en var stöðvaður og handtekinn.

Í dagbók lögreglu segir að maðurinn sé grunaður um ölvun við akstur og að fara ekki að fyrirmælum lögreglu.

Minnst þrjár tilkynningar um líkamsárásir bárust lögreglu í gærkvöldi. Í einu tilviki sagði sá sem varð fyrir árás að nokkrir menn hefðu ráðist á sig með bareflum. Í öðru fékk einn höfuðáverka sem blæddi mikið úr. Líðan hans liggur ekki fyrir.

Minnst þrír ökumenn voru stöðvaðir fyrir akstur undir áhrifum áfengis eða fíkniefna. Einn var stöðvaður fyrir notkun farsíma.

Lögreglumál Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið