Erlent

Ghani segist hafa yfirgefið Afganistan til að afstýra blóðbaði

Árni Sæberg skrifar
Ashraf Ghani hefur flúið Afganistan.
Ashraf Ghani hefur flúið Afganistan. AP Photo/Rahmat Gul

Ashraf Ghani, forseti Afganistan, staðfestir að hann hafi yfirgefið landið eftir innrás Talíbana í Kabúl. Hann segist hafa staðið frammi fyrir erfiðri ákvörðun en kosið að flýja til að forðast áframhaldandi blóðsúthellingar.

Ghani birti færslu á Facebooksíðu sinni fyrir um klukkustund þar sem hann ávarpar þjóð sína. Hann segir Talíbana hafa sigrað og að hann hafi nauðviljugur flúið landið. Hann gefur ekki upp hvert hann flúði.

Færslu Ghanis má sjá hér að neðan en hún er á pashto.

Hann segist hafa staðið frammi fyrir eyðileggingu Kabúl og píslardauða fjölmargra landa sinna. Það hefði valdið mannúðarkrísu í borginni ef hann hefði ekki flúið.

Hann segir það nú í höndum Talíbana að halda uppi heiðri Afgana. Þó segir hann að yfirráð Talíbana verði aldrei viðurkennd enda hafi þeir eingöngu náð þeim með ofbeldi.

Afganistan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið