Íslenski boltinn

Gifti sig í skrúfutökkunum

Valur Páll Eiríksson skrifar
Jóhann Helgi gifti sig í gær.
Jóhann Helgi gifti sig í gær. vísir/ernir

Jóhann Helgi Hannesson, framherji Þórs á Akureyri í Lengjudeild karla í fótbolta, batt á sig heldur óhefðbundinn skóþveng þegar hann gifti sig í gær.

Jóhann Helgi var á meðal markaskorara þegar Þór vann Gróttu 4-2 á föstudagskvöld en ekki var síðri ástæða til fagnaðarláta degi síðar þar sem hann gekk í það heilaga ásamt unnustu sinni Elínu Dóru Birgisdóttur á Grund í Eyjafirði í gær.

Óðinn Svan Óðinsson, fréttamaður á RÚV, deildi mynd af Jóhanni við athöfnina í gær þar sem hann sést í vel pússuðum skjannahvítum skrúfutakkaskóm.

Þórsarar hafa verið á fínu skriði í Lengjudeildinni að undanförnu og ekki tapað í síðustu sjö leikjum sínum. Áhugavert verður að sjá hvort Jóhann reimi hvítu skónna á sig á vellinum í sumar, eða hvort þeir séu einungis nýttir til hátíðarbrigða.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.