Úr greiningardeildinni í lögreglustjóraembætti

Tryggvi Páll Tryggvason skrifar 19. júlí 2021 17:56

Birgir Jónasson er nýr lögreglustjóri á Norðurlandi vestra. Vísir/Vilhelm/Stjórnarráðið

Áslaug Arna Sigurbjörnsdóttir dómsmálaráðherra hefur skipað Birgi Jónasson í embætti lögreglustjóra á Norðurlandi vestra frá 19. júlí.

Birgir kemur til starfa frá greiningardeild ríkislögreglustjóra þar sem hann hefur starfað frá árinu 2019.

Í tilkynningu á vef stjórnarráðsins segir að Birgir hafi lokið meistaraprófi í lögfræði árið 2010 og MBA gráðu árið 2017.

Þá hafi hann lokið prófi frá Lögregluskóla ríkisins árið 2000 og þar að auki sótt sér ýmiss konar viðbótarmenntun.

Á árunum 1994-2002 starfaði hann við almenn löggæslustörf. Hann var lögreglufulltrúi hjá ríkislögreglustjóra frá 2002-2007.

Þá starfaði hann sem laganemi og síðar lögfræðingur hjá lögreglustjóranum á höfuðborgarsvæðinu frá 2007-2009. Á árunum 2009-2016 starfaði hann hjá embætti sérstaks saksóknara, fyrst sem sérfræðingur og svo sem ákærandi. Þá var hann einnig aðstoðarmaður saksóknara Alþingis í landsdómsmálinu á árunum 2011-2012.

Á árunum 2016-2018 starfaði Birgir hjá Arion banka á sviði innri endurskoðunar. Sem áður segir hefur Birgir starfað í greiningardeild ríkislögreglustjóra, frá árinu 2019, auk þess að sinna kennslustörfum á háskólastigi.

Lögreglan Vistaskipti Húnavatnshreppur Húnaþing vestra Skagafjörður Skagabyggð Ásahreppur Blönduós

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.