Fótbolti

Erfið nótt hjá Ís­lendingunum í MLS

Runólfur Trausti Þórhallsson skrifar
Arnór Ingvi og félagar töpuðu óvænt í nótt.
Arnór Ingvi og félagar töpuðu óvænt í nótt. Fred Kfoury III/Getty Images

Hvorki Arnór Ingvi Traustason né Guðmundur Þórarinsson nældu í þrjú stig í MLS-deildinni í knattspyrnu í nótt. Báðir hófu þeir leik á bekknum hjá sínu liði.

Arnór Ingvi var á bekknum hjá New England Revolution er liðið tapaði óvænt 3-2 fyrir botnliði Austurdeildarinnar, Toronto. Lið Arnórs lenti 3-0 undir en hafði minnkað stöðuna í 3-1 er Arnór kom inn af bekknum. Liðinu tókst að klóra enn frekar í bakkann en lokatölur leiksins voru 3-2 og óvænt tap staðreynd.

New England situr þó enn á toppi Austurdeildarinnar með þriggja stiga forystu á Orlando City.

Montreal vann 2-1 sigur á New York City. Guðmundur Þórarinsson hóf leikinn á bekknum hjá gestunum en kom inn á þegar tæpar tíu mínútur lifðu leiks. Róbert Orri Þorkelsson, nýjasti leikmaður Montreal lék ekki með liðinu í nótt.

Montreal er í 4. sæti Austurdeildarinnar með 19 stig en New York er í 6. sætinu með 17 stig.

Fótbolti MLS

Mest lesið


Fleiri fréttir

Sjá meira


×

Mest lesið