Fótbolti

Viðar skoraði og lagði upp í sigri

Anton Ingi Leifsson skrifar
Viðar, til hægri, átti flottan leik í dag. Hér er hann með Ísfirðingnum Emil Pálssyni en þeir voru samherajr á síðustu leiktíð. Emil leikur nú með Sarpsborg í sömu deild.
Viðar, til hægri, átti flottan leik í dag. Hér er hann með Ísfirðingnum Emil Pálssyni en þeir voru samherajr á síðustu leiktíð. Emil leikur nú með Sarpsborg í sömu deild. mynd/sandefjord

Viðar Ari Jónsson átti frábæran leik í liði Sandefjord er liðið lagði Stabæk, 2-0, í norsku úrvalsdeildinni í dag.

Viðar leikur sem hægri vængmaður hjá norska liðinu og hann skoraði fyrsta markið strax á níundu mínútu.

Sandefjord leiddi 1-0 í hálfleik en Viðar lagði svo upp annað markið á 59. mínútu og þar við sat.

Viðar spilaði allan leikinn fyrir Sandefjord sem er í tíunda sæti deildarinnar en Stabæk er í næst neðsta sæti deildarinnar.

Valgeir Lunddal Friðriksson spilaði síðasta stundarfjórðunginn fyrir Håcken sem vann 2-1 sigur á AIK.

Håcken er eftir sigurinn í ellefta sæti deildarinnar en AIK er í fimmta sætinu.

Guðrún Arnardóttir lék allan leikinn í vörn Djurgården sem gerði 2-2 jafntefli við Linköpings. Djurgården er í áttunda sætinu með ellefu stig.




Fleiri fréttir

Sjá meira


×