„Þessi mál hefur borið á góma áður“ Sindri Sverrisson skrifar 16. júní 2021 17:01 Eiður Smári Guðjohnsen hefur verið í starfi hjá KSÍ síðan hann tók við sem aðstoðarlandsliðsþjálfari U21-landsliðsins árið 2019. vísir/vilhelm Guðni Bergsson, formaður KSÍ, kveðst bjartsýnn á að Eiður Smári Guðjohnsen komi af fullum krafti aftur inn sem aðstoðarlandsliðsþjálfari í haust. Þeir hafa þó áður þurft að ræða saman vegna áfengisneyslu Eiðs. Eiður er kominn í tímabundið leyfi frá störfum hjá KSÍ og hefur fengið skriflega áminningu, eftir að myndband af honum í annarlegu ástandi í miðborg Reykjavíkur fór í dreifingu á samfélagsmiðlum um síðustu helgi. Eiður kom heim frá Póllandi á miðvikudaginn í síðustu viku, eftir landsleikina þrjá við Mexíkó, Færeyjar og Pólland. Guðni segir Eið vera fullbólusettan og því ekki hafa verið að rjúfa sóttkví þegar hann fór út á lífið um helgina, þar sem myndband var tekið af honum kasta af sér vatni á almannafæri. Í yfirlýsingu KSÍ og Eiðs í dag kemur ekki skýrt fram hvort að Eiður muni fara í áfengismeðferð. Þar segir þó að KSÍ lýsi yfir stuðningi við Eið Smára og „hans ákvörðun um að leita sér hjálpar“. „Á lífsleið okkar þurfum við öll að taka á ýmsum persónulegum málum, og ég mun svo sannarlega taka á mínum,“ sagði Eiður í yfirlýsingu. Íþróttadeild hefur ekki náð tali af Eiði en Guðni segir það aðeins vera Eiðs að svara því hvort hann sé á leið í meðferð: „Ég held að þetta mál sé þess eðlis að hann verði að svara fyrir það, ef hann svo kýs. Hann þarf ekki að svara neinum nema sínum vinnuveitendum en ef hann vill gera það opinberlega þá gerir hann það.“ „Ekki eðlilegt að ég tjái mig um það“ Var það þá ekki skýlaus krafa KSÍ að Eiður færi í áfengismeðferð, vildi hann halda starfi sínu sem aðstoðarlandsliðsþjálfari? „Ég vil ekki tjá mig um það hver okkar samskipti voru í kringum það. Ég tel ekki eðlilegt að ég tjái mig um það. Það kemur fram í yfirlýsingunni hver lendingin var í þessu máli og svo horfum við fram á veginn, og Eiður tekst á við það sem hann þarf að takast á við.“ En er Eiður sáttur við þá niðurstöðu að fara í tímabundið leyfi fram á haust? „Yfirlýsingin í dag kom af okkar beggja hálfu svo já, ég geri ráð fyrir því. En hann er auðvitað maðurinn til að svara fyrir það,“ sagði Guðni sem vildi sem minnst ræða málið þegar Vísir náði tali af honum í dag. Ákveðnar skyldur sem hann þarf að lúta Voru Arnar Þór Viðarsson og Lars Lagerbäck, starfsfélagar Eiðs í þjálfarateymi landsliðsins, hafðir með í ráðum? „Þeir í yfirstjórn KSÍ komu að þessu sem eðli málsins samkvæmt þurftu að koma að þessu. Þetta er afgreiðslan á þessu máli eftir að hafa tekið það fyrir innan okkar raða,“ sagði Guðni. Er eitthvað í samningi Eiðs við KSÍ sem bannar honum að hegða sér eins og hann gerði um helgina? „Þetta er nú bara staðlaður ráðningarsamningur. Það eru ákveðnar skyldur sem að hann þarf að lúta eins og fleiri launþegar hjá knattspyrnusambandinu og öðrum fyrirtækjum,“ sagði Guðni. Eiður virtist undir áhrifum áfengis í sjónvarpsþættinum Vellinum, í mars, þar sem rætt er um atburði helgarinnar í enska boltanum. Guðni viðurkennir að atvikið um helgina sé ekki það fyrsta sem verði til þess að hann ræði við Eið vegna mála tengdum áfengisneyslu þjálfarans. „Við höfum auðvitað rætt margt og ýmislegt í kringum hans störf, eins og gengur. Þessi mál hefur borið á góma áður jú.“ Aftur hefur áfengisneysla áhrif á starf þjálfara hjá KSÍ Eiður hlaut eins og fyrr segir skriflega áminningu. Þýðir það að hann missi starfið, hagi hann sér með svipuðum hætti aftur? „Þetta er áminning um hegðun og að hafa brugðist starfsskyldum. Aðvörun um að starfsfólk verði að gæta að sínum skyldum og hegðun,“ var það eina sem Guðni vildi segja um það. Rétt rúmlega hálft ár er síðan að áfengisneysla hafði síðast áhrif á starf landsliðsþjálfara á vegum KSÍ. Jón Þór Hauksson hætti sem þjálfari kvennalandsliðsins í desember vegna hegðunar sinnar undir áhrifum áfengis, eftir að Ísland tryggði sér sæti á EM. „Það er auðvitað bara miður að þurfa að takast á við svona mál. Ég held að við þekkjum þetta vel úr okkar samfélagi, og sem betur fer þá held ég að okkar samfélag sé mjög framarlega í að takast á við þessi mál með ýmis konar meðferðarúrræðum og að ég tel almennri vitund um það að áfengisnotkun getur hentað mörgum manninum illa. Við erum sem betur fer með úrræði til að takast á við það og stöndum held ég mjög framarlega á heimsvísu hvað það varðar,“ sagði Guðni. KSÍ HM 2022 í Katar Mest lesið Sextán manns í fullu starfi við að þjónusta Ronaldo Fótbolti Uppgjörið: Vestri - ÍA 0-2 | Sigur í fyrsta leik Lárusar Orra Íslenski boltinn Körfuboltaspjald með Jordan seldist á 243 milljónir króna Körfubolti Sagði bíl Red Bull vera algjörlega óökuhæfan Formúla 1 Senda konurnar í Evrópukeppni en ekki karlana Handbolti Í beinni: Víkingur - Afturelding | Gera nýliðarnir þeim aftur grikk? Íslenski boltinn Í beinni: KR - FH | Þurfa að svara fyrir sig eftir flenginguna Íslenski boltinn Þrenna á föstudagskvöldi og háskólagráða á laugardegi Íslenski boltinn Stelpurnar stungu sér til sunds í vatninu Fótbolti Færeyingar unnu bronsið á HM U21 í handbolta Handbolti Fleiri fréttir „Ég hef aldrei séð aðrar eins tölur“ Joao Pedro til Chelsea Í beinni: Víkingur - Afturelding | Gera nýliðarnir þeim aftur grikk? Í beinni: KR - FH | Þurfa að svara fyrir sig eftir flenginguna Evrópumeistararnir rúlluðu yfir Messi og félaga Leik lokið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Sextán manns í fullu starfi við að þjónusta Ronaldo Hverju breytir Lárus Orri hjá Skagaliðinu? Leikmaðurinn sem Liverpool ætlar að selja í sumar valinn bestur á EM Stelpurnar stungu sér til sunds í vatninu Útskrifuð af sjúkrahúsinu og gæti verið með á EM „Mér finnst þetta vera brandari“ Þrenna á föstudagskvöldi og háskólagráða á laugardegi Stelpurnar okkar mættar í paradísina Chelsea áfram eftir tveggja klukkutíma töf og framlengingu Bonny til Inter Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Sjá meira
Eiður er kominn í tímabundið leyfi frá störfum hjá KSÍ og hefur fengið skriflega áminningu, eftir að myndband af honum í annarlegu ástandi í miðborg Reykjavíkur fór í dreifingu á samfélagsmiðlum um síðustu helgi. Eiður kom heim frá Póllandi á miðvikudaginn í síðustu viku, eftir landsleikina þrjá við Mexíkó, Færeyjar og Pólland. Guðni segir Eið vera fullbólusettan og því ekki hafa verið að rjúfa sóttkví þegar hann fór út á lífið um helgina, þar sem myndband var tekið af honum kasta af sér vatni á almannafæri. Í yfirlýsingu KSÍ og Eiðs í dag kemur ekki skýrt fram hvort að Eiður muni fara í áfengismeðferð. Þar segir þó að KSÍ lýsi yfir stuðningi við Eið Smára og „hans ákvörðun um að leita sér hjálpar“. „Á lífsleið okkar þurfum við öll að taka á ýmsum persónulegum málum, og ég mun svo sannarlega taka á mínum,“ sagði Eiður í yfirlýsingu. Íþróttadeild hefur ekki náð tali af Eiði en Guðni segir það aðeins vera Eiðs að svara því hvort hann sé á leið í meðferð: „Ég held að þetta mál sé þess eðlis að hann verði að svara fyrir það, ef hann svo kýs. Hann þarf ekki að svara neinum nema sínum vinnuveitendum en ef hann vill gera það opinberlega þá gerir hann það.“ „Ekki eðlilegt að ég tjái mig um það“ Var það þá ekki skýlaus krafa KSÍ að Eiður færi í áfengismeðferð, vildi hann halda starfi sínu sem aðstoðarlandsliðsþjálfari? „Ég vil ekki tjá mig um það hver okkar samskipti voru í kringum það. Ég tel ekki eðlilegt að ég tjái mig um það. Það kemur fram í yfirlýsingunni hver lendingin var í þessu máli og svo horfum við fram á veginn, og Eiður tekst á við það sem hann þarf að takast á við.“ En er Eiður sáttur við þá niðurstöðu að fara í tímabundið leyfi fram á haust? „Yfirlýsingin í dag kom af okkar beggja hálfu svo já, ég geri ráð fyrir því. En hann er auðvitað maðurinn til að svara fyrir það,“ sagði Guðni sem vildi sem minnst ræða málið þegar Vísir náði tali af honum í dag. Ákveðnar skyldur sem hann þarf að lúta Voru Arnar Þór Viðarsson og Lars Lagerbäck, starfsfélagar Eiðs í þjálfarateymi landsliðsins, hafðir með í ráðum? „Þeir í yfirstjórn KSÍ komu að þessu sem eðli málsins samkvæmt þurftu að koma að þessu. Þetta er afgreiðslan á þessu máli eftir að hafa tekið það fyrir innan okkar raða,“ sagði Guðni. Er eitthvað í samningi Eiðs við KSÍ sem bannar honum að hegða sér eins og hann gerði um helgina? „Þetta er nú bara staðlaður ráðningarsamningur. Það eru ákveðnar skyldur sem að hann þarf að lúta eins og fleiri launþegar hjá knattspyrnusambandinu og öðrum fyrirtækjum,“ sagði Guðni. Eiður virtist undir áhrifum áfengis í sjónvarpsþættinum Vellinum, í mars, þar sem rætt er um atburði helgarinnar í enska boltanum. Guðni viðurkennir að atvikið um helgina sé ekki það fyrsta sem verði til þess að hann ræði við Eið vegna mála tengdum áfengisneyslu þjálfarans. „Við höfum auðvitað rætt margt og ýmislegt í kringum hans störf, eins og gengur. Þessi mál hefur borið á góma áður jú.“ Aftur hefur áfengisneysla áhrif á starf þjálfara hjá KSÍ Eiður hlaut eins og fyrr segir skriflega áminningu. Þýðir það að hann missi starfið, hagi hann sér með svipuðum hætti aftur? „Þetta er áminning um hegðun og að hafa brugðist starfsskyldum. Aðvörun um að starfsfólk verði að gæta að sínum skyldum og hegðun,“ var það eina sem Guðni vildi segja um það. Rétt rúmlega hálft ár er síðan að áfengisneysla hafði síðast áhrif á starf landsliðsþjálfara á vegum KSÍ. Jón Þór Hauksson hætti sem þjálfari kvennalandsliðsins í desember vegna hegðunar sinnar undir áhrifum áfengis, eftir að Ísland tryggði sér sæti á EM. „Það er auðvitað bara miður að þurfa að takast á við svona mál. Ég held að við þekkjum þetta vel úr okkar samfélagi, og sem betur fer þá held ég að okkar samfélag sé mjög framarlega í að takast á við þessi mál með ýmis konar meðferðarúrræðum og að ég tel almennri vitund um það að áfengisnotkun getur hentað mörgum manninum illa. Við erum sem betur fer með úrræði til að takast á við það og stöndum held ég mjög framarlega á heimsvísu hvað það varðar,“ sagði Guðni.
KSÍ HM 2022 í Katar Mest lesið Sextán manns í fullu starfi við að þjónusta Ronaldo Fótbolti Uppgjörið: Vestri - ÍA 0-2 | Sigur í fyrsta leik Lárusar Orra Íslenski boltinn Körfuboltaspjald með Jordan seldist á 243 milljónir króna Körfubolti Sagði bíl Red Bull vera algjörlega óökuhæfan Formúla 1 Senda konurnar í Evrópukeppni en ekki karlana Handbolti Í beinni: Víkingur - Afturelding | Gera nýliðarnir þeim aftur grikk? Íslenski boltinn Í beinni: KR - FH | Þurfa að svara fyrir sig eftir flenginguna Íslenski boltinn Þrenna á föstudagskvöldi og háskólagráða á laugardegi Íslenski boltinn Stelpurnar stungu sér til sunds í vatninu Fótbolti Færeyingar unnu bronsið á HM U21 í handbolta Handbolti Fleiri fréttir „Ég hef aldrei séð aðrar eins tölur“ Joao Pedro til Chelsea Í beinni: Víkingur - Afturelding | Gera nýliðarnir þeim aftur grikk? Í beinni: KR - FH | Þurfa að svara fyrir sig eftir flenginguna Evrópumeistararnir rúlluðu yfir Messi og félaga Leik lokið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Sextán manns í fullu starfi við að þjónusta Ronaldo Hverju breytir Lárus Orri hjá Skagaliðinu? Leikmaðurinn sem Liverpool ætlar að selja í sumar valinn bestur á EM Stelpurnar stungu sér til sunds í vatninu Útskrifuð af sjúkrahúsinu og gæti verið með á EM „Mér finnst þetta vera brandari“ Þrenna á föstudagskvöldi og háskólagráða á laugardegi Stelpurnar okkar mættar í paradísina Chelsea áfram eftir tveggja klukkutíma töf og framlengingu Bonny til Inter Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Sjá meira