Karlar fæddir 1987 og konur fæddar 1996 fá skyndiboð í bólusetningu

Kolbeinn Tumi Daðason skrifar 1. júní 2021 15:46

Einhverjir fæddir 1996 og 1987 eru að fá skilaboð í þessum skrifuðu orðum. Boð í bólusetningu. Vísir/ArnarHalldórs

Ákveðið hefur verið að draga aftur árganga sem fá skyndiboðun í bólusetningu í Laugardalshöll í dag.

Dregið var fyrr í dag þegar 2500 skammtar af Pfizer voru eftir. Þá komu konur fæddar 1982 og karlar fæddir 1999 upp úr pottinum. Greinilegt er að ekki hafa nógu margir skilað sér eftir boðunina með SMS-um í dag. Því á að draga aftur og senda skilaboð á fleiri.

Ragnheiður Ósk Erlendsdóttir, framkvæmdastjóri hjúkrunar hjá Heilsugæslunni á höfuðborgarsvæðinu, sér um að draga næstu árganga sem mega eiga von á boði í bólusetningu á eftir.

Uppfært: Strákar 1987 og stelpur 1996 voru dregin úr pottinum í Laugardalshöll. Fólk á höfuðborgarsvæðinu í þessum árgöngum má eiga von á SMS-skilaboðum og þarf að mæta beint í Laugardalshöll.

Athygli er vakin á því að fólk í þessum árgöngum sem ekki kemst í bólusetningu í dag fær að mæta með sínum árgangi þegar kemur að honum síðar.

Faraldur kórónuveiru (COVID-19) Bólusetningar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.