Arnór til Bandaríkjanna

Félagið birti í kvöld myndband á Twitter-síðu sinni þar sem hið sívinsæla HÚH var notað en skiptin hafa legið í loftinu.

Það verður því væntanlega staðfest síðar í kvöld að Suðurnesjamaðurinn sé búinn að skrifa undir samninginn í Bandaríkjunum.

Arnór Ingvi hefur leikið með Malmö síðan 2018 en hann varð sænskur meistari með liðinu á síðustu leiktíð.

Einnig hefur hann leikið með AEK Aþenu, Rapid Vín, Norrköping og Sandes Ulf í atvinnumennsku.

Liðið fór alla leið í undanúrslit MLS-deildarinnar á síðustu leiktíð.