Um þrjátíu starfsmenn Hagkaups í sóttkví

Atli Ísleifsson skrifar 9. mars 2021 13:34

Starfsemi verslunar Hagkaups í Garðabæ hefur haldist óbreytt, en ráðist var í umfangsmikla sótthreinsun eftir að smitið kom upp. Vísir/Vilhelm

Um þrjátíu starfsmenn Hagkaups í Garðabæ eru nú í sóttkví eftir að starfsmaður þar greindist smitaður af kórónuveirunni í gærkvöldi.

Þetta staðfestir Sigurður Reynaldsson, framkvæmdastjóri Hagkaups, í samtali við Vísi. Starfsmenn verslunarinnar hafa og munu gangast undir skimun í dag.

Greint var frá því í morgun að starfsmaðurinn sem smitaðist vinni á nóttunni við áfyllingar og hafi verið við störf aðfaranótt laugardags og sunnudags um liðna helgi.

Kom fram í tilkynningu að starfsmaðurinn hafi lítið sem ekkert verið í samskiptum við viðskiptavini, borið grímu við störf sín og farið eftir þeim sóttvarnarreglum sem gilda á vinnustaðnum.

Ráðist var í umfangsmikla sótthreinsun á öllum helstu snertiflötum í versluninni eftir að smitið kom upp.

Starfsemi verslunarinnar hefur haldist óbreytt en Sigurður segir að vel verði fylgst með stöðu mála og brugðist hratt við ef aðstæður breytast.

Tveir greindust með kórónuveiruna innanlands í gær, þar á meðal starfsmaður Hagkaups í Garðabæ, en báðir þeir sem greindust voru utan sóttkvíar. Sextán eru nú í einangrun á landinu vegna Covid-19 og 107 í heildina í sóttkví.

Faraldur kórónuveiru (COVID-19) Verslun Garðabær

Tengdar fréttir

Tveir greindust innanlands í gær og voru báðir utan sóttkvíar

Tveir greindust með kórónuveiruna innanlands í gær. Báðir voru utan sóttkvíar.

9. mars 2021 10:42

Tengjast öðrum þeirra sem greindist um helgina og líklega með breska afbrigðið

Þeir tveir sem greindust með kórónuveiruna innanlands í gær, og voru ekki í sóttkví, tengjast öðrum þeirra sem greindist með veiruna um helgina. Gengið er út frá því að hinir tveir nýgreindu séu með breska afbrigði veirunnar, líkt og þeir sem greindust dagana á undan.

9. mars 2021 12:29

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir