Fótbolti

Luka­ku skoraði eitt og lagði upp annað er Inter náði sjö stiga for­ystu

Anton Ingi Leifsson skrifar
Framherjaparið, Lautaru og Lukaku, fagna fyrra marki dagsins.
Framherjaparið, Lautaru og Lukaku, fagna fyrra marki dagsins. Sportinfoto/DeFodi/Getty

Inter Milan er með sjö stiga forystu á toppi ítölsku úrvalsdeildarinnar eftir 3-0 sigur á Genoa.

Fyrsta mark leiksins gerði Romelu Lukaku strax á fyrstu mínútu en þá skoraði hann eftir undirbúning Lautaro Martinez.

Þannig stóðu leikar allt þangað til á 69. mínútu er vængbakvörðurinn Matteo Darmian tvöfaldaði forystuna, einmitt eftir stoðsendingu Lukaku.

Þriðja og síðasta mark leiksins gerði Alexis Sanchez á 79. mínútu, þremur mínútum eftir að hafa komið inn á sem varamaður.

Það urðu lokatölur leiksins en Inter er þar með sjö stiga forystu á toppnum, að minnsta kosti þangað til í kvöld er AC Milan spilar gegn Roma á útivelli.

Udinese vann 1-0 sigur á Fiorentina og Cgliari vann 2-0 sigur á Crotone. Fyrr í dag vann Atalanta 2-0 útisigur á Sampdoria.


Ítalski boltinn, Serie A, er á Stöð 2 Sport en upplýsingar um útsendingar má finna hér. Serie A er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.