Íslenski boltinn

Reyndur þýskur mark­vörður í markið hjá Sel­fossi

Runólfur Trausti Þórhallsson skrifar
Selfyssingar eru að fá markvörð sem lék með Liverpool.
Selfyssingar eru að fá markvörð sem lék með Liverpool. Selfoss

Selfoss hefur fengið þýskan markvörð til liðs við sig fyrir komandi tímabil í Pepsi Max deild kvenna í knattspyrnu. Anke Preuss mun spila með liðinu í sumar en hún hefur meðal annars spilað með Liverpool á ferli sínum.

Er hún annar leikmaðurinn sem gengur til liðs við Selfoss á jafn mörgum dögum en Eva Núra Abrahamsdóttir samdi við félagið í gær.

Hin 29 ára gamla Preuss mun fylla skarð Kaylan Marckese sem lék með Selfyssingum á síðustu leiktíð. Kaylan var einn af betri markvörðum deildarinnar og því ákvað Selfoss að vanda valið. Hún hefur nú samið við HB Köge, topplið dönsku úrvalsdeildarinnar.

Preuss er eins og áður sagði einkar reyndur markvörður en ásamt því að hafa spilað með Liverpool hefur hún leikið með Sunderland sem og í sænsku úrvalsdeildinni. Þá lék hún með Frankfurt, Hoffenheim og Duisburg í Þýskalandi.

„Við erum mjög spennt að fá Anke til okkar. Þetta er leikmaður með mikla og góða reynslu og á örugglega eftir að reynast okkur vel. Við höfum skoðað markvarðarmálin vel og ég er sannfærður um að það að við erum að fá virkilega góðan leikmann til liðs við okkur,“ sagði Alfreð Elías Jóhannsson, þjálfari liðsins, er tilkynnt var um komu Preuss.

Anke Preuss í Selfoss Knattspyrnudeild Selfoss hefur samið við þýska markvörðinn Anke Preuss og mun hún leika með...

Posted by Selfoss Fótbolti on Sunday, February 7, 2021



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.