Erlent

Játar að hafa myrt konuna

Atli Ísleifsson skrifar
Maðurinn var handtekinn í gærmorgun, skömmu eftir að hafa tilkynnt um hvarf konunnar.
Maðurinn var handtekinn í gærmorgun, skömmu eftir að hafa tilkynnt um hvarf konunnar. Getty

Fyrrverandi sambýlismaður íslensku konunnar sem fannst myrt á Jótlandi hefur játað að hafa orðið henni að bana.

Jyllands-Posten greinir frá þessu en maðurinn var leiddur fyrir dómara í Árósum í morgun.

Þar segir að grunur leiki á að maðurinn hafi þrengt að öndunarvegi konunnar, hinni 43 ára Freyju Egilsdóttur, svo að hún lést. Hafi hann svo bútað líkið niður með sög og falið líkamsleifar hennar á heimilinu í bænum Malling og grafið einhverja í garðinum.

Lögregla á Austur-Jótlandi lýsti í gær eftir konunni sem búsett hefur verið í Malling, suður af Árósum, á Jótlandi. Konan hafði búið í Danmörku um árabil og stofnað til fjölskyldu þar í landi.

Hinn grunaði í málinu tilkynnti lögreglu um hvarfið í gærmorgun og sagði þá að ekkert hafi sést til hennar síðan á fimmtudag. Grunur lögreglu fór fljótlega að manninum og var hann handtekinn. 

JP segir frá því að maðurinn, með grátt hár og gleraugu og í bláum búningi, hafi færður fyrir dómara í Árósum í morgun þar sem farið var fram á fjögurra vikna gæsluvarðhald. Réttarmeinarannsókn fer fram í dag.

Danskir fjölmiðlar greindu frá því að konan hafi starfað á öldrunarheimili í bænum Odder. Smáskilaboð hafi borist til vinnuveitenda á laugardaginn þar sem hún tilkynntium veikindi. Þó sé óljóst hvort hún hafi raunverulega sent umrædd skilaboð.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.