Tíska og hönnun

„Ég notaði kókosolíu framan í mig og húðin mín stíflaðist“

Sylvía Rut Sigfúsdóttir skrifar
Sunneva Einars sýndi það sem er í snyrtitöskunni sinni í þættinum Snyrtiborðið með HI beauty.
Sunneva Einars sýndi það sem er í snyrtitöskunni sinni í þættinum Snyrtiborðið með HI beauty. HI beauty

Áhrifavaldurinn Sunneva Einarsdóttir mætti í Snyrtiborðið með HI beauty og sagði frá öllum sínum uppáhalds snyrtivörum. Hún sagði frá því hvaða vörur hún notar alla daga og hvernig hún breytir til ef hún er að fara eitthvað sérstakt.

„Ég fíla ekki að mála mig of mikið, það fer mér ekkert eitthvað það vel. Þannig að ég set eiginlega aldrei á mig augnskugga, nema kannski einhverja ljósa liti.“

Hún leggur því mikla áherslu á húðvörurnar og ljómi og sólarpúður spilar þar stórt hlutverk. Sunneva passar mikið upp á raka húðarinnar en hún hefur lært mikið af systur sinni Rebekku, sem er lærður snyrtifræðingur. 

Sápan best fyrir brúnirnar

Í menntaskóla gerði Sunneva samt þau mistök að nota alltaf kókosolíu til að þrífa af sér farðann, sem var vinsæl aðferð hér á landi um tíma.

„Ég lenti frekar illa í því í menntaskóla þegar kókosolíutrendið var. Ég notaði kókosolíu framan í mig og húðin mín stíflaðist. Þetta var fáránlegt, bara mín mistök.“

Sunneva er þekkt fyrir þykkar og fallegar augabrúnir og er einfalt leyndarmál á bak við þær.

„Ég hef prufað alveg margar vörur. Ég hef prófað sápu og bursta og svo hef ég prófað nokkrar vörur sem eru svona tilbúnar en sápan er það besta sem ég hef prófað fyrir fluffy brows.“

Sunneva Einars heldur úti vinsælum Instagram reikningi.HI beauty

Sunneva ræðir einnig um vörurnar sem hún tæki sér með á eyðieyju, lykilinn á bak við ljómandi förðun, góð ráð til að förðunin sé falleg á myndum og aðferðina sem hún notar til að vera „sólbrún“ allt árið með brúnkuvörum.

Í þættinum gefa þær Heiður Ósk og Ingunn Sig líka góð ráð líkt og í hverjum þætti. Að þessu sinni talar Ingunn um „setting spray“ og Heiður talar um í hvaða röð hún notar hárvörurnar sínar. Hægt er að horfa þáttinn í heild sinni í spilaranum hér fyrir neðan.

Klippa: Snyrtiborðið með HI beauty - Sunneva Einars

Heiður Ósk og Ingunn Sig eigendur Reykjavík Makeup School eru þáttastjórnendur Snyrtiborðsins með HI Beauty. Þær eru farðaðar með vörum frá YSL beauty, Urban Decay og Lancome. Hárið þeirra er stíliserað með John Frieda hárvörum. Þættirnir eru teknir upp í Reykjavík Makeup School og verða sýndir vikulega hér á Vísi. 

Instagram: @the_hibeauty


Tengdar fréttir

Notar alltaf primer svo förðunin endist út daginn

„Venjulega þegar ræktin er opin þá byrja ég þar og kem svo hingað heim og græja mig eldsnöggt út og fer á fyrsta fund dagsins sem byrjar oftast ekki seinna en níu, stundum aðeins fyrr.“

Elskar góðan blástur enda níræð inn við beinið

„Það er rosalega gaman ef það eru förðunarfræðingar á setti og svona en alla jafna þá geri ég þetta mjög mikið sjálf,“ segir matgæðingurinn og fjölmiðlakonan Eva Laufey Kjaran.






Fleiri fréttir

Sjá meira


×