Framkvæmdastjóri Hamra: „Lítið gagn í því að hvetja fólk til að ferðast innanlands ef það getur hvergi verið“ Atli Ísleifsson skrifar 6. maí 2020 06:30 Vanalega er pláss fyrir um tvö þúsund manns á Hömrum í Eyjafirði. Hamrar Tryggvi Marinósson, framkvæmdastjóri Hamra, útilífs- og umhverfismiðstöðvar skáta á Akureyri, segist binda vonir við að rýmkað verði á reglum landlæknis um hámarksfjölda á tjaldsvæðum. Hann segir lítið gagn vera í því að hvetja fólk til að ferðast innanlands ef það getur hvergi verið. Samkvæmt leiðbeiningum um sóttvarnaráðstafanir á tjaldsvæðum vegna Covid-19 verður fólki ekki leyfilegt að koma inn á tjaldsvæði séu þeir í sóttkví eða þá ef innan við fjórtán dagar séu frá útskrift eftir að viðkomandi hafi verið í einangrun. Sömuleiðis má fólk ekki koma inn á tjaldsvæði ef það er með einkenni líkt og kvef, hósta, hita, höfuðverk, beinverki, þreytu, kviðverki eða niðurgang. Rekstraraðildar þurfa að þrífa og sótthreinsa sameiginleg rými minnst tvisvar á dag og á tjaldsvæðum munu ekki fleiri en fimmtíu gestir vera þar hverju sinni nema hægt sé að skipta svæðinu upp hólf og tryggja á sama tíma tveggja metra fjarlægðartakmarkanir og tvö salerni fyrir hvert hólf ásamt handþvottaaðstöðu. Þá skulu fjórir metrar hið minnsta vera á milli tjalda, tjaldvagna, fellihýsa, hjólhýsa, campera og húsbíla, þó að slíkt gildi ekki fyrir fjölskyldur og hópa þar sem mikið samneyti er á milli einstaklinga. Gæti tekið við tvö hundruð manns Tryggvi segist ekki alveg hafa vitað við hverju hann ætti von á varðandi leiðbeiningarnar um sóttvarnaráðstafanir á tjaldsvæðum. „Við áttum þó von á því að við gætum tekið fleiri en fimmtíu inn í hvert hólf. Við erum með tvö þúsund manna tjaldsvæði, en miðað við þær salernisaðstöður sem við höfum gætum við tekið tvö hundruð manns eins og reglurnar eru núna og ef ekki yrði gripið til neinna sérstakra ráðstafana.“ Hann segir þó hugsanlegt að skipta salernisaðstöðunum í helminga, hætta að vera með kynjaskipt salerni og þannig fjölda hólfum á tjaldsvæðinu. „Einnig væri hugsanlega hægt að bæta við salernum á öðrum stöðum. Með ítrustu skiptingu á salernum og flötum þá gætum við kannski tekið við fimm hundruð manns.“ Frá Akureyri.Vísir/Vilhelm Vonar að reglum verði breytt um næstu mánaðamót Tryggvi segist þó gera ráð fyrir að þessar reglur og leiðbeiningar muni breytast um næstu mánaðamót. „Ég held að það hljóti að vera. Við vonumst þá til að hámarksfjöldinn fari í að minnsta kosti hundrað. Það væri ansi mikil bót. Það er náttúrulega lítið gagn í því að hvetja fólk til að ferðast innanlands ef það getur hvergi verið.“ Sóttvarnalæknir sagði í kvöldfréttum Stöðvar 2 í gær að ljóst væri að slakað verði á tveggja metra reglunni eftir því sem gefinn verði meiri afsláttur á fjöldatakmörkunum. Tjaldsvæðið á Hömrum er opið allt árið, en ekki hafa verið neinir gestir þar síðan í byrjun apríl. „Við eigum von á að einhverjir gestir komi nú í maí, en Íslendingar, þeir byrja vanalega ekki að ferðast fyrr en í kringum 17. júní. Það verður kannski öðruvísi núna, það er aldrei að vita.“ Treystir á að gestir virði mörk og fari að reglum Tryggvi segir að ekki sé hægt að ætlast til þess að rekstraraðilar tjaldsvæða tryggi að farið sé að reglunum í hvívetna. Nauðsynlegt sé að treysta á að gestir virði mörk og fari að reglunum. „Við erum með svo stórt svæði og ég get ekki haft mannskap í því að fylgja öllum og segja þeim hvar eða hvernig þeir eigi að tjalda. Það er enginn fjárhagslegur grunnur fyrir því. Þeir verða að finna út úr því sjálfir og við treystum á að gestir virði þessi mörk. Sömuleiðis að farið eftir reglum um að fólk í sóttkví eða að þeir sem hafi nýlega verið í einangrun komi ekki.“ Búa sig undir mikið tekjutap Fulltrúar Hamra sátu fund með fulltrúum Akureyrarbæjar á mánudaginn þar sem farið var yfir stöðuna. „Við erum að reyna að vinna þetta eins hratt og eins vel og hægt er. Maður er svona þokkalega bjartsýnn á að við náum að leysa þetta en við verðum að treysta á að fólk verði samvinnufúst.“ Hann segir að Hamrar séu að búa sig undir mikið tekjutap á þessu ári. „Bæði af því að við munum ekki geta tekið við eins mörgum og vilja koma og hins vegar að tekjurnar hafa verið að koma, allt upp í 45 prósent, frá erlendum gestum. Þeir verða náttúrulega miklu færri en hafa verið síðustu ár. Þetta verður því fjárhagslega erfitt ár. Við vonum bara að Íslendingar muni ferðast innanlands og þá að við getum haft pláss fyrir þá. Að við megum taka þá. Þetta snýst aðallega um það.“ Ferðamennska á Íslandi Ferðalög Akureyri Tjaldsvæði Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hundruð lögreglumanna í viðbragðsstöðu vegna mótmæla í UCLA Erlent Icelandair flýgur til Færeyja að nýju Innlent Stutt í næsta gos komi til gosloka Innlent „Það er hart sótt að okkar fólki“ Innlent Viðbrögð Hamas við vopnahléstillögunum „neikvæð“ Erlent Úrskurðurinn felldur úr gildi Innlent Vilja endurupptöku í máli Weinstein Erlent Forsetavaktin 2024: Hver verður sjöundi forseti lýðveldisins? Innlent Háskólanemar halda lautarferð og stofna hreyfingu fyrir Palestínu Innlent Sinueldur í Munaðarneslandi Innlent Fleiri fréttir Icelandair flýgur til Færeyja að nýju Stutt í næsta gos komi til gosloka „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Sjá meira
Tryggvi Marinósson, framkvæmdastjóri Hamra, útilífs- og umhverfismiðstöðvar skáta á Akureyri, segist binda vonir við að rýmkað verði á reglum landlæknis um hámarksfjölda á tjaldsvæðum. Hann segir lítið gagn vera í því að hvetja fólk til að ferðast innanlands ef það getur hvergi verið. Samkvæmt leiðbeiningum um sóttvarnaráðstafanir á tjaldsvæðum vegna Covid-19 verður fólki ekki leyfilegt að koma inn á tjaldsvæði séu þeir í sóttkví eða þá ef innan við fjórtán dagar séu frá útskrift eftir að viðkomandi hafi verið í einangrun. Sömuleiðis má fólk ekki koma inn á tjaldsvæði ef það er með einkenni líkt og kvef, hósta, hita, höfuðverk, beinverki, þreytu, kviðverki eða niðurgang. Rekstraraðildar þurfa að þrífa og sótthreinsa sameiginleg rými minnst tvisvar á dag og á tjaldsvæðum munu ekki fleiri en fimmtíu gestir vera þar hverju sinni nema hægt sé að skipta svæðinu upp hólf og tryggja á sama tíma tveggja metra fjarlægðartakmarkanir og tvö salerni fyrir hvert hólf ásamt handþvottaaðstöðu. Þá skulu fjórir metrar hið minnsta vera á milli tjalda, tjaldvagna, fellihýsa, hjólhýsa, campera og húsbíla, þó að slíkt gildi ekki fyrir fjölskyldur og hópa þar sem mikið samneyti er á milli einstaklinga. Gæti tekið við tvö hundruð manns Tryggvi segist ekki alveg hafa vitað við hverju hann ætti von á varðandi leiðbeiningarnar um sóttvarnaráðstafanir á tjaldsvæðum. „Við áttum þó von á því að við gætum tekið fleiri en fimmtíu inn í hvert hólf. Við erum með tvö þúsund manna tjaldsvæði, en miðað við þær salernisaðstöður sem við höfum gætum við tekið tvö hundruð manns eins og reglurnar eru núna og ef ekki yrði gripið til neinna sérstakra ráðstafana.“ Hann segir þó hugsanlegt að skipta salernisaðstöðunum í helminga, hætta að vera með kynjaskipt salerni og þannig fjölda hólfum á tjaldsvæðinu. „Einnig væri hugsanlega hægt að bæta við salernum á öðrum stöðum. Með ítrustu skiptingu á salernum og flötum þá gætum við kannski tekið við fimm hundruð manns.“ Frá Akureyri.Vísir/Vilhelm Vonar að reglum verði breytt um næstu mánaðamót Tryggvi segist þó gera ráð fyrir að þessar reglur og leiðbeiningar muni breytast um næstu mánaðamót. „Ég held að það hljóti að vera. Við vonumst þá til að hámarksfjöldinn fari í að minnsta kosti hundrað. Það væri ansi mikil bót. Það er náttúrulega lítið gagn í því að hvetja fólk til að ferðast innanlands ef það getur hvergi verið.“ Sóttvarnalæknir sagði í kvöldfréttum Stöðvar 2 í gær að ljóst væri að slakað verði á tveggja metra reglunni eftir því sem gefinn verði meiri afsláttur á fjöldatakmörkunum. Tjaldsvæðið á Hömrum er opið allt árið, en ekki hafa verið neinir gestir þar síðan í byrjun apríl. „Við eigum von á að einhverjir gestir komi nú í maí, en Íslendingar, þeir byrja vanalega ekki að ferðast fyrr en í kringum 17. júní. Það verður kannski öðruvísi núna, það er aldrei að vita.“ Treystir á að gestir virði mörk og fari að reglum Tryggvi segir að ekki sé hægt að ætlast til þess að rekstraraðilar tjaldsvæða tryggi að farið sé að reglunum í hvívetna. Nauðsynlegt sé að treysta á að gestir virði mörk og fari að reglunum. „Við erum með svo stórt svæði og ég get ekki haft mannskap í því að fylgja öllum og segja þeim hvar eða hvernig þeir eigi að tjalda. Það er enginn fjárhagslegur grunnur fyrir því. Þeir verða að finna út úr því sjálfir og við treystum á að gestir virði þessi mörk. Sömuleiðis að farið eftir reglum um að fólk í sóttkví eða að þeir sem hafi nýlega verið í einangrun komi ekki.“ Búa sig undir mikið tekjutap Fulltrúar Hamra sátu fund með fulltrúum Akureyrarbæjar á mánudaginn þar sem farið var yfir stöðuna. „Við erum að reyna að vinna þetta eins hratt og eins vel og hægt er. Maður er svona þokkalega bjartsýnn á að við náum að leysa þetta en við verðum að treysta á að fólk verði samvinnufúst.“ Hann segir að Hamrar séu að búa sig undir mikið tekjutap á þessu ári. „Bæði af því að við munum ekki geta tekið við eins mörgum og vilja koma og hins vegar að tekjurnar hafa verið að koma, allt upp í 45 prósent, frá erlendum gestum. Þeir verða náttúrulega miklu færri en hafa verið síðustu ár. Þetta verður því fjárhagslega erfitt ár. Við vonum bara að Íslendingar muni ferðast innanlands og þá að við getum haft pláss fyrir þá. Að við megum taka þá. Þetta snýst aðallega um það.“
Ferðamennska á Íslandi Ferðalög Akureyri Tjaldsvæði Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hundruð lögreglumanna í viðbragðsstöðu vegna mótmæla í UCLA Erlent Icelandair flýgur til Færeyja að nýju Innlent Stutt í næsta gos komi til gosloka Innlent „Það er hart sótt að okkar fólki“ Innlent Viðbrögð Hamas við vopnahléstillögunum „neikvæð“ Erlent Úrskurðurinn felldur úr gildi Innlent Vilja endurupptöku í máli Weinstein Erlent Forsetavaktin 2024: Hver verður sjöundi forseti lýðveldisins? Innlent Háskólanemar halda lautarferð og stofna hreyfingu fyrir Palestínu Innlent Sinueldur í Munaðarneslandi Innlent Fleiri fréttir Icelandair flýgur til Færeyja að nýju Stutt í næsta gos komi til gosloka „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Sjá meira