Sport

Dagskráin í dag: EM-ævintýri Portúgals og Frakklands, Sportþættirnir og frægir úrslitaleikir

Sindri Sverrisson skrifar
EM 2016 hófst ekki eins og Portúgalar ætluðu sér en á endanum stóðu Cristiano Ronaldo og félagar uppi sem sigurvegarar.
EM 2016 hófst ekki eins og Portúgalar ætluðu sér en á endanum stóðu Cristiano Ronaldo og félagar uppi sem sigurvegarar. VÍSIR/GETTY

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Sportið í kvöld er á dagskrá Stöðvar 2 Sports á þriðjudags-, miðvikudags- og fimmtudagskvöldum klukkan 20.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Á meðal annars efnis á Stöð 2 Sport í dag er úrslitaleikur Ajax og Manchester United í Evrópudeildinni í fótbolta árið 2017, og eftirminnilegir leikir úr Meistaradeild Evrópu og ensku bikarkeppnunum. Þá verður farið yfir afrek Portúgals á EM 2016, þar sem liðið mætti Íslandi í fyrsta leik, og Frakklands á EM 2000 í þáttunum um sögu Evrópumótsins í fótbolta.

Stöð 2 Sport 2

Viðtalsþættir Gumma Ben, 1 á 1, verða á dagskránni á Stöð 2 Sport 2. Á meðal viðmælenda voru Guðni Bergsson, Jóhann Berg Guðmundsson og Glódís Perla Viggósdóttir. Þá má sjá úrslitaleiki Mjólkurbikarsins í fótbolta frá árunum 2017 og 2018.

Stöð 2 Sport 3

Á Stöð 2 Sport 3 verða sýndir úrslitaleikir úr Meistaradeild Evrópu í fótbolta frá liðnum árum. Meðal annars verður hægt að sjá leiki Barcelona og Manchester United frá árunum 2009 og 2011, úrslitaleiki AC Milan og Liverpool árin 2005 og 2007, og leik Bayern München og Chelsea árið 2012.

Stöð 2 eSport

Leikir í Counter-Strike frá Reykjavíkurleikunum og úr Lenovo-deildinni verða sýndir á rafíþróttastöðinni, Stöð 2 eSport. Þar verður einnig hægt að horfa á úrslitin á nýafstöðnu Íslandsmóti í FIFA 20.

Stöð 2 Golf

Lokadagur bandaríska meistaramótsins, Masters, frá árinu 2018 verður sýndur á Stöð 2 Golf í kvöld. Á stöðinni verður einnig lokadagur Masters frá árinu 2017, þáttur um FedEx bikarinn árið 2018 og fleira til.

Útsendingar dagsins má finna á heimasíðu Stöðvar 2.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.