Keane valdi aðeins tvo leikmenn Liverpool | Myndband

Roy Keane, fyrrum leikmaður Manchester United, og Jaime Carragher, fyrrum leikmaður Liverpool, voru saman í stúdíóinu  hjá Sky Sports í Monday Night Football í gær þegar leikur Chelsea og Manchester United var sýndur. Reyndu þeir að setja saman sameiginlegt lið Manchester United frá 1999 og Liverpool í dag.

Roy Keane valdi á endanum aðeins tvo leikmenn Liverpool í sitt lið. Raunar eftir langa umhugsun var hann kominn niður í einn.

Það fór því eðlilega allt í háaloft í kjölfarið. Gallinn við samanburðinn er að sjálfsögðu sá að Manchester United liðið spilaði nær eingöngu 4-4-2 á meðan Liverpool leikur 4-3-3.

Skemmtileg umræða myndaðist í kringum hægri bakvarðarstöðuna en Gary Neville er að sjálfsögðu venjulega með Carragher í Monday Night Football.

Carragher vildi þó meina að Trent Alexander-Arnold hefði vinninginn einfaldlega vegna þess hve gífurlega mikilvægur hann er Liverpool liðinu í dag og hversu mikil áhrif hann hefur á spilamennsku liðsins. Keane var á endanum sammála, en samt ekki. Miðverðirnir völdu sig nánast sjálfir og var Virgil van Dijk eini leikmaður Liverpool sem Keane var viss um að kæmist í Man Utd liðið frá 1999. 

Hann var þó ekki sammála að Van Dijk væri betri en Jaap Stam.

Þá voru þeir báðir sammála um að setja Keane sjálfan inn í liðið en Carragher sagði að fjögurra manna miðja Man Utd á þessum tíma (1999) líklega þá bestu í sögu ensku úrvalsdeildarinnar. Carragher vildi þó stilla liðinu upp í 4-3-3 á meðan Keane valdi miðjuna eins og hún lagði sig í sitt lið.

„Ég veit bara ekki hvar við komum hinum Man Utd leikmönnunum fyrir. Til dæmis Ryan Giggs,“ sagði Keane eftir að hafa fyllt miðjuna af leikmönnum sem spiluðu 1999. „Ryan Giggs kemst ekki í mitt lið,“ svaraði Carragher snögglega. 

Þá fyrst fór að hitna í kolunum. Keane vildi halda Dwight Yorke og Andy Cole saman frammi og notaði rökin að ef það væri bara verið að dæma leikmenn yfir þetta staka tímabil þá yrðu þeir að vera saman frammi.

Írinn sagði að ef Liverpool myndi vinna þrennuna, líkt og United gerði, þá myndi hann mögulega íhuga að skipta um skoðun. Hann sagði þó að hann myndi aðeins bæta við tveimur Liverpool mönnum ef þeim tækist að vinna alla þrjá bikarana sem eru í boði.

Að lokum var stigafjöldi liðanna ræddur en Man Utd endaði með 79 stig þegar tímabilinu lauk, Liverpool er með 76 núna og fer nánast örugglega yfir 100 stiga múrinn.

„Þegar þú vinnur deildina færðu eina medalíu, þú snýrð henni ekki við og það stendur hvað þú vannst deildina með mörgum stigum,“ var svar Keane við þeim ummælum.

Þetta skemmtilega innslag má sjá hér að neðan.