Enski boltinn

Segja að De Bruyne ætti að fara til Liverpool ef það verður brunaútsala há City

Óskar Ófeigur Jónsson skrifar
Kevin De Bruyne í leik með Manchester City á móti Liverpool.
Kevin De Bruyne í leik með Manchester City á móti Liverpool. Getty/Alex Dodd

Manchester City gæti misst sínar stærstu stjörnur í sumar standi harður dómur Knattspyrnusambands Evrópu um tveggja ára bann frá Meistaradeildinni. Mörg félög gætu haft áhuga á að næla í þessa leikmenn.



Manchester City ætlar að áfrýja til Alþjóða íþróttadómstólsins og félagið hótar áralöngum lögfræðideilum við UEFA en nú bíða menn og sjá hvað verður um alla heimsklassa leikmennina hjá liðinu. Sætta þeir sig við að spila hjá félaginu við þessar erfiðu kringumstæður eða vilja þeir leita annað.



GiveMeSport tók saman athyglisverðan lista þar sem menn þar á bæ velta því fyrir sér hvert leikmenn Manchester City ættu að fara ef það verður brunaútsala í sumar.



Ensku blöðin eru á fullu að fjalla um Manchester City og Meistaradeildarbannið og mörg eru að skoða mögulegar og alvarlegar afleiðingar þess að fá ekki að keppa í Meistaradeildinni aftur fyrr en haustið 2022.



Daily Mail telur það vera klárt ef þessi harði dómur standi að Manchester City þurfi að selja margar af sínum stærstu stjörnum fyrir utan að missa væntanlega knattspyrnustjórann Pep Guardiola til Juventus.



Jú það gæti hreinlega orðið brunaútsala á Ethiad í sumar en hvar er besti staðurinn fyrir viðkomandi leikmenn.





Tvær af stjörnunum ættu best heima hjá Real Madrid eða þeir Raheem Sterling og Aymeric Laporte en þeir Sergio Aguero, Rodrigo og Joao Cancelo myndu allir sóma sér vel hjá Atletico Madrid.



Nokkrir ættu að fara til liða í ensku úrvalsdeildinni og þá vekur vissulega mesta athygli að sjá Kevin De Bruyne fara til Liverpool. De Bruyne var víst stuðningsmaður Liverpool liðsins í æsku.



Tottenham gæti nýtt sér bakverðina Kyle Walker og Benjamin Mendy og franska stórliðið Paris Saint Germain hefði örugglega áhuga á að fá til sín leikmenn eins og þá Bernardo Silva og Riyad Mahrez.



Markvörðurinn Ederson væru góður kostur fyrir Chelsea og þá ætti Phil Foden að geta komið sterkur inn á miðjuna hjá Manchester United. Fernandinho væri líka einmitt maðurinn sem Arsenal vantar í sitt lið.



Hér fyrir neðan má sjá bestu staðina fyrir leikmenn Man. City samkvæmt samantektinni:

Kyle Walker: Tottenham

Raheem Sterling: Real Madrid

Ilkay Gundogan: Borussia Dortmund

Gabriel Jesus: Juventus

Sergio Aguero: Atletico Madrid

Oleksandr Zinchenko: Wolves

Aymeric Laporte: Real Madrid

Rodrigo: Atletico Madrid

Kevin De Bruyne: Liverpool

Leroy Sane: Bayern Munich

Bernardo Silva: PSG

David Silva: Inter Miami

Benjamin Mendy: Tottenham

Fernandinho: Arsenal

Riyad Mahrez: PSG

Joao Cancelo: Atletico Madrid

Nicolas Otamendi: River Plate

Ederson: Chelsea

Phil Foden: Man Utd




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.