Landsmenn allir veita Seyðfirðingum stuðning: „Þetta er stórkostlegt og við erum mjög þakklát“ Hallgerður Kolbrún E. Jónsdóttir og Sunna Karen Sigurþórsdóttir skrifa 19. desember 2020 19:03 Margrét Dögg Guðgeirsdóttir Hjarðar, sjálfboðaliði hjá Rauða krossinum, og Berglind Sveinsdóttir, formaður Múlasýsludeildar Rauða krossins. Stöð 2 Íbúar á Seyðisfirði hafa ekki fengið að snúa aftur til síns heima í dag. Neyðarstig er enn í gildi og óvíst hvenær hægt verður að hleypa fólki heim til að sækja eigur sínar. Varðstjóri á Seyðisfirði segist hlakka til að árið klárist. Náttúruvársérfræðingar frá Veðurstofunni og aðrir viðbragðsaðilar komu saman á Seyðisfirði í birtingu til að meta aðstæður. Neyðarstig er áfram í gildi og var því ekki unnt að fara inn á hamfarasvæðið en dróni frá sérsveitinni var meðal annars nýttur í að taka þrívíddarmyndir. Þá var fjölmiðlafólki leyft fara í á svæðið í fylgd lögreglu. Ein skriða féll í nótt. „Hún náði nú ekki langt niður en gefur okkur vísbendingar um það að jarðvegur er ennþá að skríða fram,“ segir Jens Hilmarsson, varðstjóri á Seyðisfirði og vettvangsstjóri á svæðinu. Næstu skref séu óljós. „Ég verð allavega mjög feginn þegar þetta ár klárast og 2021 gengur í garð,“ segir Jens. Sprungur milli Búðarár og Nautaklaufar á Seyðisfirði voru skoðaðar í dag með flygildum. Veðurstofa Íslands fer yfir...Posted by Lögreglan á Austurlandi on Saturday, December 19, 2020 Sprungur á milli Búðarár og Nautaklaufar á Seyðisfirði, þar sem lítil aurskriða féll snemma í morgun, voru skoðaðar í dag með drónum. Veðurstofan mun fara yfir gögnin í kvöld og fyrramálið en vatnsþrýstingur hefur farið minnkandi í jarðvegi. Erfitt fyrir fólk að takast á við hamfarirnar rétt fyrir jól Enn liggur ekki fyrir hvenær íbúar á Seyðisfirði fá að fara aftur heim. Allir 540 sem þurftu að yfirgefa heimili sín í gær fengu húsaskjól og þurftu því ekki að gista í fjöldahjálparmiðstöðinni í Egilsstaðaskóla. Hótel, sem höfðu þurft að loka, opnuðu dyr sínar fyrir fólki og íbúar á Egilsstöðum opnuðu heimili sín. Óvissa ríkir þó meðal fólks nú í aðdraganda jóla. „Tíminn er að mörgu leyti erfiður. Bæði er þetta dimmasti tími ársins og svo rignir svo ofboðslega mikið að það birtir aldrei einhvern vegin. Svo trúir því eiginlega enginn að jólin séu bara eftir fimm daga,“ segir Sigríður Rún Tryggvadóttir, prestur á Seyðisfirði. Erfitt að vita af fólkinu líða illa Fólk hefur fengið áfallahjálp og getað leitað á náðir kirkjunnar á Egilsstöðum, en sjálf þurfti Sigríður að yfirgefa sitt heimili á Seyðisfirði. „Svo vaknaði ég í morgun og átti að fara að skíra og þá var fyrsta hugsunin að ég var ekki með neitt með mér nema gúmmístígvél. Ég ætlaði ekki að standa og skíra barn í gúmmístígvélum,“ segir Sigríður. Hún segir fólk hafa jákvæðni að leiðarljósi en að hamfararnir leggist þungt á sálarlíf fólks. „Það er auðvitað mjög erfitt að vita af fólkinu okkar líða illa,“ segir hún. Hljóðið í fólki upp og ofan Enginn hefur þurft að gista í fjöldahjálparstöðinni en í Egilsstaðarskóla getur fólk leitað, fengið mat, drykk og leitað í almennan hlýhug hjá hvort öðru. Margrét Dögg Guðgeirsdóttir Hjarðar, sjálfboðaliði hjá Rauða krossinum sagði í kvöldfréttum Stöðvar 2 að líðan fólks hafi verið upp og ofan. Sigríður Rún Tryggvadóttir, prestur á Seyðisfirði.Vísir „Hljóðið í fólki hefur verið upp og ofan. Það er auðvitað alveg gríðarleg óvissa í gangi og fólk hefur ekki getað farið heim til sín í dag þannig að menn vita ekki ástandið og svoleiðis,“ segir Margrét. „Við höfum haft hérna viðbragðsteymi bæði héðan af Austurlandi og einnig aðstoð að norðan sem hafa verið með sálrænan stuðning og áfallahjálp og einnig prestana þannig að fólk hefur getað fengið viðtal og það er alltaf í boði,“ segir Margrét. Berglind Sveinsdóttir, formaður Múlasýsludeildar Rauða krossins segir að fólk hafi þurft að leita til hjálparsamtakanna vegna skorts á fatnaði og öðru, en margir höfðu ekki tækifæri til að snúa heim til sín og sækja þangað nauðsynjavörur áður en það þurfti að yfirgefa Seyðisfjörð. „Við höfum aðstoðað fólk með því að fara í fatabúð Rauða krossins. Fólk hefur líka fengið að fara í búðirnar hérna og Rauði krossinn fengið reikning fyrir því. Þannig að það hefur verið á margan hátt sem við höfum verið að aðstoða þau,“ segir Berglind. „Við erum að gera allt sem við mögulega getum. Bæði við og þau erum stórkostlega þakklát. Það eru allir að veita okkur stuðning, þetta er allra handa. Það er verið að senda okkur mat og fólk að sunnan að bjóða gistingu ef einhver vill koma suður um jólin. Þetta er stórkostlegt og við erum mjög þakklát.“ Aurskriður á Seyðisfirði Múlaþing Almannavarnir Náttúruhamfarir Tengdar fréttir „Ég verð mjög feginn þegar 2020 er búið“ Lítil aurskriða féll á Seyðisfirði í morgun en viðbragðsaðilar hafa í dag unnið að gagnasöfnun og hættumati á svæðinu. Viðbragðsaðilar hafa meðal annars myndað Seyðisfjörð úr lofti með drónum, til þess að meta stöðuna. 19. desember 2020 18:08 Myndir frá Seyðisfirði sýna gríðarlega eyðileggingu Eyðileggingin í kjölfar aurskriðanna sem fallið hafa á Seyðisfjörð var áþreifanleg þegar fjölmiðlafólki var hleypt að bænum í dag. 19. desember 2020 16:40 „Ef maðurinn minn hefði hlaupið í hina áttina þá væri hann ekki hér með okkur“ Hildur Þórisdóttir, mannauðsstjóri og fyrrum forseti bæjarstjórnar á Seyðisfirði, segir það vera kraftaverk að ekkert manntjón hafi orðið þegar aurskriðan féll í gær. Bjarki Borgþórsson, lögreglumaður og eiginmaður Hildar, var staddur nærri staðnum sem skriðan féll ásamt öðrum viðbragðsaðilum og mátti litlu muna að verr færi. 19. desember 2020 15:28 Mest lesið Veit um fjögur sjálfsvíg tengd gervigreind Innlent Kallaði eftir aftöku heimilislauss fólks: „Drepa þau bara“ Erlent Þórdís Lóa ætlar ekki fram Innlent Íslendingur dæmdur í þrettán ára fangelsi í Rússlandi Erlent Þjófur fúlsaði við málverkunum en tók nóg af bjór Innlent Brueckner neitar að ræða við bresk lögregluyfirvöld Erlent Farmur flugvélaeldsneytis hafi ekki uppfyllt gæðastaðla Innlent Fannar bæjarstjóri kveður Grindavík Innlent Enn deilt um sameiningu: „Í raun sé verið að leggja niður Háskólann á Akureyri“ Innlent Svarar til saka fyrir morð á „blóðuga sunnudeginum“ Erlent Fleiri fréttir Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Veit um fjögur sjálfsvíg tengd gervigreind Enn deilt um sameiningu: „Í raun sé verið að leggja niður Háskólann á Akureyri“ Vill drónavarnir á Íslandi Fannar bæjarstjóri kveður Grindavík Sundlauginni í Reykholti í Bláskógabyggð lokað í eitt ár Lögreglan vilji kæfa glæpahópa í fæðingu Farið yfir Vítisenglamálið og drónavarnir á Íslandi Neysluvatnið óhreint eftir að aurskriða féll Tæplega fimmtíu komast ekki um borð eftir að neyðarrenna var opnuð fyrir mistök Ekki blettur á ferlinum að missa vinnuna Myndband: Lögregla stóð vörð vegna Vítisenglaveislu Útgjöld vegna útlendingamála lækka um þriðjung Halla mun funda með Xi Jinping 40 ára afmæli Þorlákskirkju fagnað í Þorlákshöfn Vítisenglar lausir úr haldi og týndir ferðamenn Mikilvægt að sýna Grænlendingum stuðning Allir þrír lausir úr haldi Forseti Íslands ræðir fyrsta árið í embætti Í fangaklefa grunaðir um ólöglega dvöl Þrír handteknir á samkvæmi Vítisengla Umfangsmikil lögregluaðgerð í Hamraborg Breiðhyltingar bíði í hálftíma eftir lögreglu: „Verður þetta þá ekki bara búið?“ Sjá meira
Náttúruvársérfræðingar frá Veðurstofunni og aðrir viðbragðsaðilar komu saman á Seyðisfirði í birtingu til að meta aðstæður. Neyðarstig er áfram í gildi og var því ekki unnt að fara inn á hamfarasvæðið en dróni frá sérsveitinni var meðal annars nýttur í að taka þrívíddarmyndir. Þá var fjölmiðlafólki leyft fara í á svæðið í fylgd lögreglu. Ein skriða féll í nótt. „Hún náði nú ekki langt niður en gefur okkur vísbendingar um það að jarðvegur er ennþá að skríða fram,“ segir Jens Hilmarsson, varðstjóri á Seyðisfirði og vettvangsstjóri á svæðinu. Næstu skref séu óljós. „Ég verð allavega mjög feginn þegar þetta ár klárast og 2021 gengur í garð,“ segir Jens. Sprungur milli Búðarár og Nautaklaufar á Seyðisfirði voru skoðaðar í dag með flygildum. Veðurstofa Íslands fer yfir...Posted by Lögreglan á Austurlandi on Saturday, December 19, 2020 Sprungur á milli Búðarár og Nautaklaufar á Seyðisfirði, þar sem lítil aurskriða féll snemma í morgun, voru skoðaðar í dag með drónum. Veðurstofan mun fara yfir gögnin í kvöld og fyrramálið en vatnsþrýstingur hefur farið minnkandi í jarðvegi. Erfitt fyrir fólk að takast á við hamfarirnar rétt fyrir jól Enn liggur ekki fyrir hvenær íbúar á Seyðisfirði fá að fara aftur heim. Allir 540 sem þurftu að yfirgefa heimili sín í gær fengu húsaskjól og þurftu því ekki að gista í fjöldahjálparmiðstöðinni í Egilsstaðaskóla. Hótel, sem höfðu þurft að loka, opnuðu dyr sínar fyrir fólki og íbúar á Egilsstöðum opnuðu heimili sín. Óvissa ríkir þó meðal fólks nú í aðdraganda jóla. „Tíminn er að mörgu leyti erfiður. Bæði er þetta dimmasti tími ársins og svo rignir svo ofboðslega mikið að það birtir aldrei einhvern vegin. Svo trúir því eiginlega enginn að jólin séu bara eftir fimm daga,“ segir Sigríður Rún Tryggvadóttir, prestur á Seyðisfirði. Erfitt að vita af fólkinu líða illa Fólk hefur fengið áfallahjálp og getað leitað á náðir kirkjunnar á Egilsstöðum, en sjálf þurfti Sigríður að yfirgefa sitt heimili á Seyðisfirði. „Svo vaknaði ég í morgun og átti að fara að skíra og þá var fyrsta hugsunin að ég var ekki með neitt með mér nema gúmmístígvél. Ég ætlaði ekki að standa og skíra barn í gúmmístígvélum,“ segir Sigríður. Hún segir fólk hafa jákvæðni að leiðarljósi en að hamfararnir leggist þungt á sálarlíf fólks. „Það er auðvitað mjög erfitt að vita af fólkinu okkar líða illa,“ segir hún. Hljóðið í fólki upp og ofan Enginn hefur þurft að gista í fjöldahjálparstöðinni en í Egilsstaðarskóla getur fólk leitað, fengið mat, drykk og leitað í almennan hlýhug hjá hvort öðru. Margrét Dögg Guðgeirsdóttir Hjarðar, sjálfboðaliði hjá Rauða krossinum sagði í kvöldfréttum Stöðvar 2 að líðan fólks hafi verið upp og ofan. Sigríður Rún Tryggvadóttir, prestur á Seyðisfirði.Vísir „Hljóðið í fólki hefur verið upp og ofan. Það er auðvitað alveg gríðarleg óvissa í gangi og fólk hefur ekki getað farið heim til sín í dag þannig að menn vita ekki ástandið og svoleiðis,“ segir Margrét. „Við höfum haft hérna viðbragðsteymi bæði héðan af Austurlandi og einnig aðstoð að norðan sem hafa verið með sálrænan stuðning og áfallahjálp og einnig prestana þannig að fólk hefur getað fengið viðtal og það er alltaf í boði,“ segir Margrét. Berglind Sveinsdóttir, formaður Múlasýsludeildar Rauða krossins segir að fólk hafi þurft að leita til hjálparsamtakanna vegna skorts á fatnaði og öðru, en margir höfðu ekki tækifæri til að snúa heim til sín og sækja þangað nauðsynjavörur áður en það þurfti að yfirgefa Seyðisfjörð. „Við höfum aðstoðað fólk með því að fara í fatabúð Rauða krossins. Fólk hefur líka fengið að fara í búðirnar hérna og Rauði krossinn fengið reikning fyrir því. Þannig að það hefur verið á margan hátt sem við höfum verið að aðstoða þau,“ segir Berglind. „Við erum að gera allt sem við mögulega getum. Bæði við og þau erum stórkostlega þakklát. Það eru allir að veita okkur stuðning, þetta er allra handa. Það er verið að senda okkur mat og fólk að sunnan að bjóða gistingu ef einhver vill koma suður um jólin. Þetta er stórkostlegt og við erum mjög þakklát.“
Aurskriður á Seyðisfirði Múlaþing Almannavarnir Náttúruhamfarir Tengdar fréttir „Ég verð mjög feginn þegar 2020 er búið“ Lítil aurskriða féll á Seyðisfirði í morgun en viðbragðsaðilar hafa í dag unnið að gagnasöfnun og hættumati á svæðinu. Viðbragðsaðilar hafa meðal annars myndað Seyðisfjörð úr lofti með drónum, til þess að meta stöðuna. 19. desember 2020 18:08 Myndir frá Seyðisfirði sýna gríðarlega eyðileggingu Eyðileggingin í kjölfar aurskriðanna sem fallið hafa á Seyðisfjörð var áþreifanleg þegar fjölmiðlafólki var hleypt að bænum í dag. 19. desember 2020 16:40 „Ef maðurinn minn hefði hlaupið í hina áttina þá væri hann ekki hér með okkur“ Hildur Þórisdóttir, mannauðsstjóri og fyrrum forseti bæjarstjórnar á Seyðisfirði, segir það vera kraftaverk að ekkert manntjón hafi orðið þegar aurskriðan féll í gær. Bjarki Borgþórsson, lögreglumaður og eiginmaður Hildar, var staddur nærri staðnum sem skriðan féll ásamt öðrum viðbragðsaðilum og mátti litlu muna að verr færi. 19. desember 2020 15:28 Mest lesið Veit um fjögur sjálfsvíg tengd gervigreind Innlent Kallaði eftir aftöku heimilislauss fólks: „Drepa þau bara“ Erlent Þórdís Lóa ætlar ekki fram Innlent Íslendingur dæmdur í þrettán ára fangelsi í Rússlandi Erlent Þjófur fúlsaði við málverkunum en tók nóg af bjór Innlent Brueckner neitar að ræða við bresk lögregluyfirvöld Erlent Farmur flugvélaeldsneytis hafi ekki uppfyllt gæðastaðla Innlent Fannar bæjarstjóri kveður Grindavík Innlent Enn deilt um sameiningu: „Í raun sé verið að leggja niður Háskólann á Akureyri“ Innlent Svarar til saka fyrir morð á „blóðuga sunnudeginum“ Erlent Fleiri fréttir Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Veit um fjögur sjálfsvíg tengd gervigreind Enn deilt um sameiningu: „Í raun sé verið að leggja niður Háskólann á Akureyri“ Vill drónavarnir á Íslandi Fannar bæjarstjóri kveður Grindavík Sundlauginni í Reykholti í Bláskógabyggð lokað í eitt ár Lögreglan vilji kæfa glæpahópa í fæðingu Farið yfir Vítisenglamálið og drónavarnir á Íslandi Neysluvatnið óhreint eftir að aurskriða féll Tæplega fimmtíu komast ekki um borð eftir að neyðarrenna var opnuð fyrir mistök Ekki blettur á ferlinum að missa vinnuna Myndband: Lögregla stóð vörð vegna Vítisenglaveislu Útgjöld vegna útlendingamála lækka um þriðjung Halla mun funda með Xi Jinping 40 ára afmæli Þorlákskirkju fagnað í Þorlákshöfn Vítisenglar lausir úr haldi og týndir ferðamenn Mikilvægt að sýna Grænlendingum stuðning Allir þrír lausir úr haldi Forseti Íslands ræðir fyrsta árið í embætti Í fangaklefa grunaðir um ólöglega dvöl Þrír handteknir á samkvæmi Vítisengla Umfangsmikil lögregluaðgerð í Hamraborg Breiðhyltingar bíði í hálftíma eftir lögreglu: „Verður þetta þá ekki bara búið?“ Sjá meira
„Ég verð mjög feginn þegar 2020 er búið“ Lítil aurskriða féll á Seyðisfirði í morgun en viðbragðsaðilar hafa í dag unnið að gagnasöfnun og hættumati á svæðinu. Viðbragðsaðilar hafa meðal annars myndað Seyðisfjörð úr lofti með drónum, til þess að meta stöðuna. 19. desember 2020 18:08
Myndir frá Seyðisfirði sýna gríðarlega eyðileggingu Eyðileggingin í kjölfar aurskriðanna sem fallið hafa á Seyðisfjörð var áþreifanleg þegar fjölmiðlafólki var hleypt að bænum í dag. 19. desember 2020 16:40
„Ef maðurinn minn hefði hlaupið í hina áttina þá væri hann ekki hér með okkur“ Hildur Þórisdóttir, mannauðsstjóri og fyrrum forseti bæjarstjórnar á Seyðisfirði, segir það vera kraftaverk að ekkert manntjón hafi orðið þegar aurskriðan féll í gær. Bjarki Borgþórsson, lögreglumaður og eiginmaður Hildar, var staddur nærri staðnum sem skriðan féll ásamt öðrum viðbragðsaðilum og mátti litlu muna að verr færi. 19. desember 2020 15:28