Fótbolti

Albert æfði með varaliði AZ

Anton Ingi Leifsson skrifar
Albert í leik AZ með Evrópudeildinni fyrr í mánuðinum.
Albert í leik AZ með Evrópudeildinni fyrr í mánuðinum. Ed van de Pol/Soccrates/Getty Images

Albert Guðmundsson, leikmaður AZ Alkmaar, æfir þessa daganna með varaliði félagsins. Hollenskir fjölmiðlar greina frá en Fótbolti.net greindi frá fyrst miðla á Íslandi.

Í frétt Voetbalzone segir að Albert æfði með varaliðinu á fimmtudaginn og var heldur ekki á æfingu aðalliðsins í dag er það undirbjó sig fyrir leik helgarinnar.

Liðið mætir Willem II í hollensku úrvalsdeildinni á sunnudaginn en bráðabirgðaþjálfarinn Pascal Jensen ku vera refsa KR-ingnum segir í frétt hollenska miðilsins.

Ekki er þó vitað fyrir hvað stjórinn er að refsa Alberti en eftir að Arne Slot var rekinn frá félaginu, fyrr í mánuðinum, hefur Albert ekki leikið mínútu í hollensku úrvalsdeildinni.

Hann sat allan tímann á bekknum gegn FC Gröningen og FC Twente en var í byrjunarliðinu í Evrópudeildinni gegn Rijeka.

Albert hefur leikið vel á leiktíðinni með hollenska liðinu. Hann hefur skorað sjö mörk í þeim ellefu leikjum sem hann hefur verið í byrjunarliðinu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.